Ngana

Mwan’a ngangu se diandi kemwesanga kiese,+

Kansi, mwan’a zowa, i ntantu za ngudi andi.

 2 O tusalu twabakilwa muna mpila yambi, ke tukala mfunu ko,

Kansi, unsongi i wau uvuluzanga o muntu muna lufwa.+

 3 Yave ke yambula ko vo nsongi kafwa e nzala,+

Kansi oyimina yimpumbulu ina belokokelanga.

 4 O molo sukama kesukama,+

Kansi o nkwa fululu vuama kevuama.+

 5 O mwana wina vo nkwa ngangu okutikanga mbongo muna nsungi a masanza,

Kansi o mwana olekanga muna nkutika, nsoni kefusuka.+

 6 E nsambu zina vana ntu a nsongi,+

Kansi e nua mia yimpumbulu nsoki miswekanga.

 7 O luyindulu lwa* muntu ansongi lusambulwa,+

Kansi e nkumbu a yimpumbulu, wola iwola.+

 8 O nkwa ntim’a ngangu, otambulwila malongi,*+

Kansi ndiona ovovanga mambu ma kizowa bwa kebwa.+

 9 Ndiona okangalela muna ziku, mu luvuvamu kekangalela,+

Kansi ndiona obendomonanga e nzila zandi, zayakana kezayakana.+

10 Ndiona obwetanga e disu kuna umpuki, mpasi ketwasanga,+

Ndiona ovovanga mambu ma uzowa bwa kebwa.+

11 E nua mia ansongi i nto a moyo,+

Kansi, e nua mia yimpumbulu nsoki miswekanga.+

12 O lumengo ntantani lutwasanga,

Kansi, o zola kufukanga masumu mawonso.+

13 E ngangu zina muna befo ya nkwa umbakuzi,+

Kansi o lubamba, lwa wandila nim’a munkondwa-ngindu.*+

14 Akwa ngangu belundanga zayi muna ntima,+

Kansi o nu’a zowa wina lukufi yo lufwasu.+

16 E salu kia muntu ansongi kifilanga ku moyo;

Kansi o nsendo a salu kia kimpumbulu ufilanga mu sumu.+

17 Ndiona owanga e longi osonganga e nzil’a moyo,*

Kansi ndiona obembolanga lusembo, ankaka kevukumunanga.

18 Ndiona oswekanga lumengo lwandi, luvunu kevovanga,+

Ndiona omwanganesanga makumbu,* zowa.

19 Avo mvovo miayingi, ke vekondwa vilwa ko,+

Kansi ndiona olunga-lunganga lubini lwandi, nlungaladi.+

20 O lubini lwa nsongi luna nze palata yantalu,+

Kansi, o ntim’a kimpumbulu ke una beni mfunu ko.

21 E mvovo mia nsongi, ndonga midikila,+

Kansi mazowa befwanga mu kuma kia kondwa ngangu.+

22 E nsambu za Yave i zau zivuamisanga,+

Ke tesekanga zo mpasi* ko.

23 Kuna kwa zowa, o kuyivana muna mambu mansoni i nsaka,

Kansi e ngangu za nkwa umbakuzi.+

24 Dina kimpumbulu kemwenanga wonga, i diau dinkulwakila;

Kansi o luzolo lw’ansongi lulungiswa.+

25 Vava tembwa kivioka, e yimpumbulu ke ikala diaka ko,+

Kansi ansongi i nkubilwa ya mvu ya mvu.+

26 Nze vinagre muna meno ye mwisi muna meso,

I wina molo kwa ndiona okuntuma.*

27 O vumi wa Yave ulambulanga e zingu,+

Kansi e mvu mia yimpumbulu kufikwa mikufikwa.+

28 E vuvu kia ansongi kiese kitwasanga,+

Kansi e vuvu kia yimpumbulu suka kisuka.+

29 E nzil’a Yave i swekameno diangolo kwa munkondwa-tumbu,+

Kansi i lufwasu kwa mimpanga mambi.+

30 Ansongi ke besinga bwiswa ko,+

Kansi yimpumbulu ke bezingila diaka ova ntoto ko.+

31 O nu’a nsongi uyima* ngangu,

Kansi lubini lwambi, fwaswa lufwaswa.

32 E befo yansongi izeye mambu mambote,

Kansi o nu’a kimpumbulu wambi.