Nkunga

34 Ikembelela Yave ntangwa zawonso;

Kiyambula kunkembelela ko.

 2 Ikuyisanina muna Yave;+

Alembami bewa yo mona e kiese.

 3 Yambula twatundidika Yave kumosi;+

Twasanisina nkumbu andi entwadi.

 5 Awana bantadidi bayangalele;

Ke balendi fusuka nsoni ko.

 7 E mbasi a Yave izunganga awana bekumvuminanga,+

Okubavuluzanga.+

 8 Numeka, nuamona wo vo Yave wambote;+

Kiese kwa muntu otinina kwa yandi.

 9 Nuvumina Yave, yeno awonso avauki andi,

Awana bekumvuminanga ke bekondwa lekwa ko.+

10 Kana nkutu wan’a nkosi angolo* bafwidi e nzala,

Awana betombanga Yave ke bekondwa lekwa kiambote ko.+

11 E wan’ame, nuiza, nungwa;

Ikunulonga vumi wa Yave.+

12 Avo ozolele yangalela e zingu,

Yo mona lumbu yayingi yambote,+

13 Ozevo, lunga-lunga lubini lwaku muna mambu mambi,+

E befo yaku muna vova luvunu.+

14 Vengomoka muna mambu mambi, vanga mambu mambote;+

Vava luvuvamu yo tatidila lo.+

15 Kadi meso ma Yave muna ansongi mena,+

O matu mandi mewanga e kazu kiau.+

16 Kansi Yave osianga kitantu kw’awana bevanganga mambu mambi,

Kimana kavunzuna luyindulu lwau ova nza.+

17 Ansongi bakazidi, Yave owidi;+

Ubavulwizi muna mpasi zau zawonso.+

18 Yave ofinamene awana bawudika e ntima;+

Ovuluzanga awana bakendalala.*+

19 E mpasi za nsongi zayingi,+

Kansi Yave okumvuluza muna mpasi zawonso.+

20 Olundidi e visi yandi yawonso;

Kana kimosi ke kitolokele ko.+

21 E kimpumbulu ofwila muna sumbula;

Awana bemenganga muntu ansongi tumbwa betumbwa.

22 Yave okûla mioyo mia selo yandi;

Ke vena muntu ko otinina kwa yandi otumbwa.+