Daniele

1 Muna mvu watatu wa luyalu lwa Yoyakime+ wa Ntinu a Yuda, Nebukandesa wa Ntinu a Babele wizidi kuna Yerusaleme, ozungidi yo.+ 2 Yave oyekwele Yoyakime wa Ntinu a Yuda ye salanganu yankaka ya nzo* a Nzambi aludi vana moko ma Nebukandesa wa Ntinu,+ onete yo kuna nsi ya Sina,*+ kuna nzo* a nzambi andi. Osidi salanganu yayi muna lundilu dia tusalu twa nzambi andi.+

3 I bosi, o ntinu okanikini Asipenaze wa mfumu a mbanda-mbanda zandi kimana katwasa Aneyisaele* akaka kumosi ye awana bena vo i mbongo a ntinu ye azitu.+ 4 Bafwete kala matoko bakondwa fu muna nitu, bena ye mpw’ambote, akwa ngangu, zayi ye umbakuzi,+ ana bafwana sadila kuna lûmbu lwa ntinu. Kabalonga o tanga yo soneka e ndinga ya Akaladi. 5 Vana ntandu, ntinu osikidisi kunku kiau kia lumbu ke lumbu muna madia ma ntinu ye vinyu ina kanuanga. Balongwa* mu mvu tatu, kuna mfoko a kolo kiaki, basadila o ntinu.

6 Muna wantu awaya, akaka esi kanda dia* Yuda: Daniele,*+ Kananiya,* Misaele* yo Azareya.*+ 7 O mfumu a mbanda-mbanda za lûmbu lwa ntinu ubavene nkumbu:* Daniele umvene e nkumbu a Beletesasa,+ Kananiya umvene e nkumbu a Saderake, Misaele umvene e nkumbu a Mesake, Azareya umvene e nkumbu a Abedenengo.+

8 Daniele obakidi nzengo muna ntim’andi vo kalendi kuyisafula ko muna madia ma ntinu ye muna vinyu kanuanga. Olombele nswa kwa mfumu a mbanda-mbanda kimana kalembi dia madia oma malenda kunsamfula. 9 Nzambi aludi ofididi mfumu a mbanda-mbanda kasonga ngemba kwa Daniele yo kumfwila e nkenda.+ 10 O mfumu a mbanda-mbanda ovovese Daniele vo: “Wonga wa mfumu ame wa ntinu ngina wau, ona wasikidisa e kunku kia madia meno ye vinyu. Aweyi kevanga avo omwene vo nuamana tanda lutila matoko mankaka ma ntela eno? Se nuandatisa nkanu vana ntadisi a ntinu.” 11 Kansi, Daniele ovovese nyingidi ona wasolwa kwa mfumu a mbanda-mbanda kimana kalunga-lunganga Daniele, Kananiya, Misaele yo Azareya: 12 “Dodokolo, tonta ntaudi zaku muna lumbu kumi, yambula batuvana mbongo a mpatu twadia ye maza twanua; 13 i bosi, tezanesa e mpwa zeto ye mpwa za matoko ana bedianga madia ma ntinu, vanga kwa ntaudi zaku mun’owu wa dina omona.”

14 Ozevo, otondele e ngindu zau, ubatontele mu lumbu kumi. 15 Vava lumbu kumi yavioka, e mpw’au yasunda owete yo vimpi* ke mu matoko mawonso ko ana badianga madia ma ntinu. 16 I dianu vo, o nyingidi wakatulanga madia ye vinyu ina badi nua yo kubavana mbongo a mpatu. 17 O Nzambi aludi ovene kwa matoko mau yá, zayi ye umbakuzi wa sono ya mpila zawonso ye ngangu; Daniele wavewa umbakuzi wa mona-meso ya mpila zawonso ye ndozi.+

18 Vava yalunga e lumbu ina kasikidisa o ntinu muna kubatwasa vana kena,+ o mfumu a mbanda-mbanda ubatwese vana ndose a Nebukandesa. 19 O ntinu vava kamokena yau, vana bena yau awonso ke vasoloka mosi ko wakala nze Daniele, Kananiya, Misaele yo Azareya;+ bakwamanene sadila vana vena ntinu. 20 Vava ntinu kabayuvulanga muna konso diambu diavavanga ngangu ye umbakuzi, wamonanga vo nkumbu kumi bavioka nganga za mpandu ye nganga za ngombo+ ana bakala muna kintinu kiandi kiawonso muna ngangu ye umbakuzi. 21 Daniele wakwamanana kûna yamuna mvu wantete wa luyalu lwa Kurese wa Ntinu.+