Nkunga

143 E Yave, wá sambu kiame;+

Wunikina ndodokela zame.

 2 Kukoti mu mfundu yo ntaudi aku ko,

Kadi ke vena muntu amoyo ko olenda kala nkwa unsongi vovo wina.+

 3 Kadi o mbeni okumbangikanga;

Okosomwene moyo ame vana ntoto.

 4 O mwand’ame* uyoyele;+

O ntim’ame utungamene.+

 5 Iyindulanga e lumbu yankulu;

Ibadikanga mavangu maku mawonso;+

Iyindulanga* e salu ya moko maku.

 6 Nzangwidi moko mame kwa ngeye;

Ngina nze nsi yayuma ina ye vuina diaku.+ (Sela)

 7 E Yave, umpana mvutu mu nzaki;+

O nkum’ame* ufokokele.+

Kunsweki ndose aku ko,+

Avo ke wau ko, ikituka nze awana bekulumukanga muna wulu.*+

 8 Ungiambula yawá oma ma walakazi waku konso mene,

Kadi ngeye nsidi e vuvu.

Unsonga e nzila mfwete kangalela,+

Kadi kwa ngeye ntinini.*

10 Undonga yavanga luzolo lwaku,+

Kadi ngeye i Nzambi ame.

Mwand’aku wambote;

Yambula wamfila muna fulu kialelama.*

12 Muna walakazi waku, sukisa* e mbeni zame;+

Fwasa awonso ana bekumbangikanga,*+

Kadi i selo kiaku.+