Wanzole wa Samuele

9 Davidi ovovele vo: “Nga ke mwasala musi nzo a Saulu ko ona mfwete songa walakazi mu kuma kia Yonatane?”+ 2 Vakala ntaudi a nzo a Saulu, nkumbu andi Siba.+ Bambokele kwa Davidi, o ntinu unyuvuidi vo: “Ongeye i Siba?” Ovutwidi vo: “Mono i ntaudi aku.” 3 Ntinu ovovele diaka vo: “Nga ke mwasala musi nzo a Saulu ko, yansonga walakazi wa Nzambi?” Siba ovutwidi kwa ntinu vo: “Vena yo mwan’a Yonatane; ona wavanguka malu.”+ 4 Ntinu unyuvuidi vo: “Akweyi kena?” Siba ovutwidi kwa ntinu vo: “Una muna nzo a Makire+ wa mwan’a Amiele kuna Lo-deba.”

5 Vana vau Davidi wa ntinu otumini wantu benda kumbonga kuna nzo a Makire wa mwan’a Amiele kuna Lo-deba. 6 Mefibosete wa mwan’a Yonatane wa mwan’a Saulu vava kalweke kwa Davidi, ovumbamene, obukikidi lose vana ntoto. Davidi ovovele vo: “E Mefibosete!” ovutwidi vo: “E mfumu, mon’oyu.” 7 Davidi umvovese vo: “Kumoni wonga ko, kadi ikusonga walakazi+ muna diambu dia Yonatane wa se diaku, ikuvutulwila yana yawonso ya Saulu wa nkak’aku, odila* vana meza mame lumbu ke lumbu.”+

8 Dianu vo, ovumbamene yo vova vo: “O ntaudi aku nki, wau osidi sungididi* kwa mbwa yafwa+ nze mono?” 9 Ntinu obokele Siba wa ntaudi a Saulu, umvovese vo: “Yawonso ya Saulu ye nzo andi, mpene yo kwa ntekelo a mfumu aku.+ 10 Okumvatila mpatu—ongeye yo wan’aku ye ntaudi zaku—wakutika mbongo bedia esi nzo a ntekelo a mfumu aku. Vo i Mefibosete wa ntekelo a mfumu aku, odila vana meza+ mame lumbu ke lumbu.”

Siba wana 15 ye ntaudi 20 kakala zau.+ 11 Siba ovutwidi ntinu vo: “E ntaudi aku ovanga mawonso kakanikini o mfumu ame wa ntinu.” I dianu vo, Mefibosete wadilanga vana meza ma Davidi* nze mosi muna wan’a ntinu. 12 Mefibosete wakala ye kimwana-mwana kia yakala, nkumbu andi Mika;+ awonso bakala muna nzo a Siba bakitukidi ntaudi za Mefibosete. 13 Mefibosete muna Yerusaleme kazingilanga, kadi vana meza ma ntinu kadilanga lumbu ke lumbu;+ wavanguka malu mau mole.+