Yesaya

Kena ye mpw’ambote ko, ngatu vienga;+

Vava tukuntalanga, e mpw’andi ke ikutuyangidikanga ko.

 3 Oyandi wavezwa yo bembolwa kwa wantu,+

Wamonanga* e mpasi yo kulukilwa mayela.

 4 Kieleka, yandi kibeni wanata mayela meto,+

Wanata mpe mpasi zeto.+

 5 Kansi, oyandi watompolwa+ mu kuma kia makuzuka meto;+

Wakosomonua mu kuma kia bi weto.+

Wavewa tumbu kimana twakala yo luvuvamu,+

Twawukwa mu kuma kia mputa zandi.+

 6 Yeto awonso twayungananga nze mameme mavila,+

Konso muntu walandanga e nzil’andi,

Yave wayambula vo bi wa yeto awonso wabwila muna yandi.+

 7 Oyandi wabangikwa,+ wayambula vo kamweswa e mpasi,+

Kansi kaziula nu’andi ko.

Wanatwa nga meme kuna vondelo,+

Nze meme diankento dibutamene vana ntadisi a asaki a mika,

Kabatwini nu’andi ko.+

 8 Oyandi obangikilu yo vondwa lembi toma fundiswa;

Nani otokanena mambu ma mbandu andi?*

Kadi ozengelo vana vena awana bena moyo;+

Owendo* mu kuma kia makuzuka ma nkangu ame.+

 9 Oveno e ziami* vamosi ye yimpumbulu,+

Vava kafwidi, ozikilu vana vena amvuama,*+

Kana una vo kavanga mbi* ko

Ngatu soloka luvunu muna nu’andi.+

E Nzambi, avo otambika moyo andi se lukau lwa kuzuka,+

Oyandi omona e mbongo andi, olambula e lumbu yandi,+

Muna yandi i muvangamena luzolo lwa* Yave.+

Muna zayi wandi, o nsongi, wa selo kiame,+

Ofila wantu ayingi mu yikilwa vo ansongi,+

Oyandi onata e mbi au.+

12 Muna kuma kiaki, ikumvana kunku vana vena e ndonga,

Oyandi okayana e sanzu ye akwa nkuma,

Kadi otambikidi* moyo andi yamuna lufwa+

Otangilu kumosi ye akuludi a nsiku;+

Onete masumu ma wantu ayingi,+

Yo dodokela mu kuma kia akuludi a nsiku.+