Daniele

12 “Muna kolo kiakina Mikaele*+ otelama, nkuluntu anene+ ona otelamene muna wete dia nkangu aku.* Vekala ntangw’ampasi eyi ke yateka kala ko tuka kuna lubantiku lwa zula yamuna ntangwa yayina. Muna kolo kiakina, nkangu aku uvuluka,+ awonso ana bena vo nkumbu zau zasonama muna nkanda.+ 2 Wantu ayingi ana bafwa,* besikama, ankaka muna moyo a mvu ya mvu, ankaka muna luvezo ye lumengo lwa mvu ya mvu.

3 “Akwa umbakuzi bekezima nze ngambwil’a zulu, awana befilanga ayingi muna unsongi nze ntetembwa, yakwele mvu.

4 “Vo i ngeye, e Daniele, lunda mambu mama, sia e dimbu muna nkanda yakuna lumbu yambaninu.+ Ayingi bevava wo,* o zayi wakieleka uwokela.”+

5 I bosi, mono Daniele, ntadidi, mbwene vatelamene wantu wole ankaka, mosi vana kumu diadi dia nkoko, wankaka kuna simu diankaka.+ 6 Mosi ovovele kwa ndiona ovuete mvuatu a lino,+ ona wakala vana ntandu a maza ma nkoko vo: “Kolo kwa ivioka yavana mambu mama masivi mefokoka?” 7 I bosi, ngwidi ndiona ovuete lino, ona otelamene vana ntandu a maza ma nkoko, vava kazangwidi koko kwandi kwalunene ye koko kwalumonso kuna zula yo dila ndofi muna Ndiona ozinganga yakwele mvu,+ oku vo: “Kolo kimosi kiasikidiswa ivioka, kolo yole ye ndambu.* Vava kifokoka kosomonua o nkum’a nkangu wavauka,+ o mambu mama mawonso mefokoka.”

8 Vo i mono, ngwidi kansi kibakwidi ko,+ i dianu mpovele vo: “E mfumu ame, aweyi ukala e mbaninu a mambu mama?”

9 I bosi, umpovese vo: “Wenda kwaku, e Daniele, kadi o mambu melundwa yo siwa e dimbu yamuna lumbu yambaninu.+ 10 Ayingi bekuyivelelesa, bekuyipembesa yo singikwa.+ Yimpumbulu bevanga umpumbulu, kavena kimpumbulu ko osinga bakula; kansi awana bena ye umbakuzi bebakula.+

11 “Tuka ntangwa ina ikatulwa e kimenga kia ntangwa ke ntangwa+ yo telamesa e lekwa kiangemi eki kitwasanga lufwasu,+ vekala 1.290 lwa lumbu.

12 “Kiese kwa ndiona okwamanana vingila yo lwaka kuna mfoko a 1.335 dia lumbu!

13 “Vo i ngeye, zizidila yakuna mbaninu. Ovunda, kansi kuna mbaninu a lumbu, otelama, watambula e kunku kiaku.”*+