Luvaiku

25 Yave ovovese Mose vo: 2 “Zayisa nkangu a Isaele bakutika lukau mu kuma kiame; nutambula lukau lwame kwa konso muntu osonga ntim’a mvevo.+ 3 Lwalu i lukau nutambula kwa yau: wolo,+ palata,+ nsongo,+ 4 nsinga mia bule, nsinga mia mika mia se kia nduwa, nsinga mia mbwaki akongola,* lino yambote, mika mia nkombo, 5 nkanda mia mameme ma makoko miavubwa mu se kiambwaki, nkanda mia takasi,* mabaya ma akasia,+ 6 mazi ma minda,+ balasamu ya vangila mazi mankusa*+ ye ndumbu ansunga,+ 7 matadi ma onise ye matadi mankaka mesiwa muna kidukula+ ye muna babu kia tulu.*+ 8 Bantungila nzo avauka, omono ikala vana kati kwau.+ 9 Nutunga e saba ye salanganu yandi yawonso, nutungila kio muna mpila* ikunusonga.+

10 “Bevanga e nkela ya mabaya ma akasia, yinkoso* yole ye ndambu muna lambuka, kinkoso kimosi ye ndambu muna yalumuka, kinkoso kimosi ye ndambu muna zanguka.+ 11 I bosi, lenga yo wolo walembi sangwa lekwa.+ Lenga muna kati yo kuna mbazi, ofwete tula mvind’a wolo muna kinzieta kiandi kiawonso.+ 12 Vanga nlunga nyá mia wolo mu kuma kia nkela, lamika mio muna malu mau mayá ma nkela; nlunga miole oku ndambu eyi, nlunga miole kuna ndambu ina. 13 Vanga mbindi zole za mabaya ma akasia, lenga zo wolo.+ 14 Kotesa e mbindi muna nlunga mina muna ndambu za Nkela, kimana zanatinuanga e Nkela. 15 E mbindi zifwete kala muna nlunga mia Nkela; ke zifwete katulwa ko.+ 16 Tula muna Nkela e Kimbangi ikuvana.+

17 “Vanga fukwa kia wolo walembi sangwa lekwa, yinkoso yole ye ndambu muna lambuka, kinkoso kimosi ye ndambu muna yalumuka.+ 18 Vanga akelubi wole awolo; ubavangila muna malutelo yo kubatula vana nsuka zau zole za fukwa.+ 19 Tula nkelubi mosi kuna konso nsuk’a fukwa, tula akelubi vana nsuka zau zole. 20 O mave mole ma konso nkelubi mafwete yalumuka vana ntandu, bafukila e fukwa muna mave mau;+ bafwete kala mantalani. E ndose za akelubi zifwete tala vana fukwa. 21 Tula e fukwa+ vana ntandu a Nkela, muna Nkela tula mo Kimbangi kina ikuvana. 22 Vana ntandu a fukwa, i vana ikuyisunzulwila kwa ngeye yo vovana yaku.+ Vana kati kw’akelubi wole bena vana nkel’a Kimbangi, i vana ikuzayisila e nkanikinu miawonso mina osamuna kwa Aneyisaele.

23 “Vanga mpe meza+ ma mabaya ma akasia, yinkoso yole muna lambuka, kinkoso kimosi muna yalumuka, kinkoso kimosi ye ndambu muna zanguka.+ 24 Lenga mo wolo walembi sangwa lekwa, vanga mvind’a wolo muna kinzieta kiandi. 25 Tula e baya dia yalumuka kwa kandazi kia koko* muna kinzieta kia meza yo mvind’a wolo muna kinzieta kia baya. 26 Vanga nlunga nyá mia wolo mu kuma kia meza, lamika mio muna konko yá, muna mwasiwa malu mau mayá. 27 E nlunga mifwete lamikwa lukufi ye baya, i mûna mukoteswa e mbindi zole za natina o meza. 28 Vanga mbindi zole za mabaya ma akasia, lenga zo wolo, i zau nunatina e meza.

29 “Vanga mpe malonga ye makopo mandi, mbidika ye pidi yandi ina iyitidilwa lukau lwa ndua. Vangila yo muna wolo walembi sangwa lekwa.+ 30 Osia e mbolo za lutambiku vana meza ova ndose ame ntangwa zawonso.+

31 “Vanga zangikilwa kia minda+ kia wolo walembi sangwa lekwa. E zangikilwa kia minda kifwete vangilwa mu malutelo. E telamesenua kiandi, vimbu diandi, tayi yandi, makopo mandi, ngonge zandi ye mvuma zandi, yawonso ifwete kala yayikakiana se lekwa kimosi.+ 32 Tayi sambanu ituka muna vimbu: tayi tatu ya zangikilwa kia minda oku ndambu eyi, tayi tatu ya zangikilwa kia minda kuna yaka ndambu. 33 Muna konso tayi kia ndambu eyi, mukala ye makopo tatu mekala nze mvuma za amande vana ntandu a konso ngonge ye mvuma zilandanene; muna konso tayi kia ndambu ina, mukala ye makopo tatu mekala nze mvuma za amande vana ntandu a konso ngonge ye mvuma zilandanene. I wau wuwu ukala e tayi yawonso ituka muna vimbu dia zangikilwa kia minda. 34 Muna vimbu dia zangikilwa kia minda mufwete kala ye makopo yá mekala nze mvuma za amande, vana ntandu a konso ngonge ye mvuma zilandanene. 35 Kuna nsi a tayi yole yantete ituka muna vimbu, kukala ye ngonge mosi; kuna nsi a tayi yole yanzole kukala ye ngonge mosi; kuna nsi a tayi yole yantatu kukala ye ngonge mosi; mu kuma kia tayi sambanu ituka muna vimbu dia zangikilwa kia minda. 36 E ngonge, tayi ye zangikilwa kia minda kiawonso kifwete kala se lekwa kimosi, kiavangilwa muna wolo walembi sangwa lekwa, watutwa muna malutelo.+ 37 Vanga minda nsambwadi misiwa vana zangikilwa kia minda, emi miminika kuna ntwala vava mikala miakwama.+ 38 E ziminua ya minda ye lekwa yandi ya natina o ntoto ampolo ifwete kala ya wolo walembi sangwa lekwa.+ 39 E zangikilwa kia minda, kumosi ye salanganu yayi ifwete vangilwa mu talanta mosi* ya wolo walembi sangwa lekwa. 40 Toma keba kimana wavangila yo mun’owu wa mpila* osongelo vana mongo.+