Wantete wa Petelo

4 Wau kina vo Kristu wamona mpasi muna nitu,+ oyeno mpe nukala yo nyindu wau umosi;* e kuma kadi ndiona omonanga e mpasi muna nitu oyambwidi masumu,+ 2 kimana kazinga muna kolo kiandi kisidi muna nitu, ke mu vanga zolela ya wantu ko,+ kansi muna vanga luzolo lwa Nzambi.+ 3 Kadi e ntangwa nuaviokesa muna vanga e zolela ya wantu a nza yafwana,+ vava nuakivananga muna mavangu mansoni,* zolela yambi, nkolwa, nkinzi mialuta tezo, nua vinyu ayingi ye nsambila za teke zangemi.+ 4 Wau vo ke nukangalanga diaka e ntwadi ko muna zingu kiau kia usafu, besivikanga yo kunutianguna.+ 5 Kansi, wantu awaya mbalu beta kwa ndiona okubamene mu fundisa awana bena moyo y’awana bafwa.+ 6 Kiaki i kuma e nsangu zambote zasamunuinua mpe kwa mafwa,+ kimana, kana una vo bafundisilwa muna nitu mun’owu wa ngindu za wantu, bakala moyo mun’owu wa mwand’a Nzambi.

7 Kansi e mbaninu a lekwa yawonso ifinamene. Dianu vo, nulungalala,+ nuyingilanga* muna sambu.+ 8 Vana ntandu a mambu mawonso, nuzolaziananga,+ kadi o zola kufukanga ulolo wa masumu.+ 9 Nutambuziananga, lembi yidima.+ 10 Konso muntu vovo nuina muna tezo kina katambulwila o lukau, yambula kasadila lo muna wete dia muntu yo nkwandi nze selo yambote ya nsambu za Nzambi zina zimonekanga muna mpila zayingi.+ 11 Avo muntu ovova, yambula kavova mambu ma Nzambi; avo muntu osala, yambula kasadila mun’owu wa ngolo kevananga o Nzambi;+ kimana muna mambu mawonso o Nzambi kakembelelwa+ muna Yesu Kristu. Kuna kwa yandi nkembo yo nkuma yamu mvu ya mvu. Amen.

12 Azolwa, ke nusiviki ko mu kuma kia ntonta zayingi* zinuluakidi, vika sia vo,+ diambu dianzenza dinubwididi. 13 Kansi, nuyangalala+ ekolo nuina e ntwadi muna mpasi za Kristu,+ kimana muna kolo kia lusengomoko lwa nkembo andi, nuayangalala kikilu.+ 14 Avo nusembwa * muna nkumbu a Kristu, nuyangalala,+ kadi o mwand’a nkembo, elo, o mwand’a Nzambi wina omo yeno.

15 Kansi, ke vakadi muntu ko vovo nuina omweswa e mpasi nze mvondi yovo mwivi yovo mumpanga-mambi ngatu nyakami a mambu mangani.+ 16 Kansi, avo muntu omweswanga e mpasi wau vo Nkristu, kamoni nsoni ko,+ yambula kakwamanana kembelela Nzambi wau kenatanga e nkumbu yayi. 17 Kadi eyayi i ntangwa yasikidiswa kimana o lufundisu lwayantikila muna nzo a Nzambi.+ Avo omu yeto luyantikila,+ ozevo, aweyi ikala e mbaninu ya awana ke belemvokelanga e nsangu zambote za Nzambi ko e?+ 18 “Avo muntu ansongi mu mpasi kevuluzilwa, ozevo, adieyi dibwila kimpumbulu ye nsumuki?”+ 19 Dianu vo, awana bemonanga e mpasi mun’owu wa luzolo lwa Nzambi, yambula bakwamanana bunda e vuvu kwa Mvangi una vo nkwa kwikizi wau bevanganga mawete.+