Yeremiya

24 Ozevo, Yave unsongele mbangu zole za bundu ya nsanda vana vena tempelo a Yave, vava Nebukandesa* wa Ntinu a Babele kanata Yekoneya*+ wa mwan’a Yoyakime+ wa ntinu a Yuda kuna kinkole, kumosi y’akuluntu a Yuda, akwa umbangu ye avangi a lekwa ya sengwa;* ubayalwidi muna Yerusaleme yo kubanata kuna Babele.+ 2 Muna mbangu imosi mukedi bundu ya nsanda yambote kikilu, nze bundu yantete ya nsanda yabwaka, kansi muna mbangu yankaka mukedi bundu ya nsanda yambi, yambi kikilu, ke yafwana diwa ko.

3 I bosi, Yave ungiuvuidi vo: “Nki omwene e Yeremiya?” Mvutwidi vo: “Bundu ya nsanda; e bundu ya nsanda ina yambote, yambote kikilu, kansi ina yambi, yambi kikilu, ke yafwana diwa ko.”+

4 I bosi, diambu dia Yave dizidi kwa mono, oku vo: 5 “I wau wuwu kavovele o Yave wa Nzambi a Isaele: ‘Wauna e bundu ya nsanda yambote, i una imwena ayaluki a Yuda o wete, ana yakatula ova fulu kiaki yo kubafila kuna nsi ya Akaladi. 6 O meso mame mekala kaka muna yau muna wete diau, ikubavutula mwamu nsi yayi.+ Ikubatunga, ke mu kubabangula ko; ikubakuna, ke mu kubavuza ko.+ 7 Ikubavana ntima kimana banzaya, bazaya wo vo omono i Yave.+ Oyau bekala se nkangu ame, omono ikala se Nzambi au,+ kadi bevutuka kwa mono ye ntim’au wawonso.+

8 “‘Kansi, mu kuma kia bundu ya nsanda ina vo yambi kikilu, ke yafwana diwa ko,+ i wau wuwu kavovele o Yave: “I una imwena Sedekiya+ wa ntinu a Yuda, akuluntu andi, nsadiswa za Yerusaleme ana besala mu nsi yayi, ye awana bezingila muna nsi ya Engipito.+ 9 Ikubakitula se kuma kia wonga ye mpasi kwa yintinu yawonso ya nza,+ luvezo, kingana, kuma kia sakanenua ye sibu+ muna fulu yawonso ina ikubamwanganesena.+ 10 Ikubatwikila nsosolo,+ mvengele ye vuku*+ yavana bevila omu nsi ina yavana kwa yau yo mase mau.”’”