Nkunga

17 E Yave, wá ndomba zame wanzengela diambu muna unsongi;

Tamba matu muna kazu kiame;

Wá sambu kiame ndombele kuna unsongi.+

 2 Zenga diambu muna unsongi muna wete diame;+

Yambula meso maku matala edi diambote.

 3 Ofimpidi e ntim’ame, umfimpidi muna fuku;+

Umpelelese;+

Omona vo kikanini vanga kwame diambu diambi ko,

O nu’ame ke usumukini ko.

 4 Vo i mavangu ma wantu,

Mun’owu wa mvovo a befo yaku, mvengele nzila za mwivi.+

 5 Yambula ntambi zame zasikila muna nzila zaku,

E tambi yame yalembi tá sakuba.+

 7 Songa walakazi waku mu mpil’esivi,+

E Mvuluzi awana betininanga kuna koko kwaku kwalunene,

Muna kuma ki’awana bekutelamenanga.

 8 Undunda nze ngengele a disu diaku;+

Unsweka muna kini kia mave maku.+

 9 Untanina muna yimpumbulu ana bekundwanisanga,

Muna mbeni zame* zina zinzietele.+

10 Babadisi ntima miau;*

E nua miau mivovelanga kuna umvuania;

11 Owau batuzungidi;+

Bevavanga e lau dia kutubwisa.*

12 E kimpumbulu una nze nkosi otiazunanga e mbizi,

Nze mwan’a nkosi obatamene kimana kabaka mbizi.

13 Telama, e Yave, wanuanisa+ yo kumbwisa;

Umpuluza* muna nsosolo a kimpumbulu;

14 Umpuluza muna koko kwaku, e Yave,

Muna wantu a nza yayi,* ana bena vo e kunku kiau muna zingu kiaki kina,+

Awana ozadisi ye lekwa yaku yambote,+

Ana besisilanga e vua kwa ulolo wa wan’au.

15 Vo i mono, muna unsongi imwena ndose aku;

Ngina ye kiese wau nsikamene vana ndose aku.*+