Nkunga

37 Kufungi makasi ko mu kuma kia yimpumbulu

Ngatu mwena mimpanga-mambi e kimpala.+

 2 Kadi nzaki beyuma nze titi,+

Belengela nze titi yankunzu.

 3 Bunda Yave e vuvu, vanga o wete;+

Zingila va ntoto,* songa e kwikizi.+

 5 Yekeka nzil’aku kwa Yave;+

Umbunda e vuvu, yandi ovanga mambu muna wete diaku.+

 6 Otemesa unsongi waku nze ntemo wa nkielelo,

E ziku kiaku nze mwini a midi.

 7 Kala pi-i vana vena Yave+

Umvingila kuna luzindalalu.

 8 Yambula makasi, tina e nganzi;+

Kukadi ye nsita ko, kuvangi mbi ko.*

 9 Kadi yimpumbulu fwaswa befwaswa,+

Kansi awana bevingilanga muna Yave, bevua nza.+

10 Fioti kaka fisidi, yimpumbulu ke bekala diaka ko;+

Otala vana bakala,

11 Kansi alembami bevua nza,+

Bezingila muna luvuvamu ye kiese kiayingi.+

12 Yimpumbulu besokelanga ansongi mambu mambi;+

Bekubakweteselanga meno.

13 Kansi Yave okubasevanga,

Kadi ozeye wo vo e lumbu kiau se kilwaka.+

14 E yimpumbulu bavolele nsosolo yo fumbika mfumba miau

Kimana babwisa mumbona-mpasi ye nsukami,

15 Kansi, e nsosolo au utobola e ntima miau;+

E mfumba miau mitololwa.

16 Efi lekwa kena fiau o nsongi fisundidi o wete

Ke mu ulolo wa yimpumbulu yayingi ko.+

17 Kadi moko ma yimpumbulu metololwa,

Kansi, Yave osadisa ansongi.

18 Yave ozeye mambu mebwilanga minkwikizi,*

E vua diau dizingila yakwele mvu.+

19 Ke befusuka nsoni ko muna ntangw’a mpasi;

Muna lumbu ya mvengele, bekala ye ulolo wa madia.

20 Kansi yimpumbulu befukiswa;+

E mbeni za Yave bevila nze wete wa madilu;

Belala nze mwisi.

21 E kimpumbulu odevanga, kansi yandi kavutudi,

Vo i nsongi okayanga kuna mvevo.*+

22 Awana basambulwa kwa Nzambi bevua nza,

Kansi, awana basibwa kwa yandi fukiswa befukiswa.+

23 Yave odiatisanga* ntambi za muntu+

Avo oyangalele nzil’andi.+

24 Kana una vo otele sakuba, ke bwa ko,+

Kadi Yave okunsimba muna koko.+

25 Toko yakala, owau ndunini,

Kansi kisidi mona nsongi ko kabembolwa,+

Ngatu wan’andi bavava madia.*+

26 Ntangwa zawonso osompekanga kuna mvevo,+

Wan’andi besambulwa.

27 Vengomoka muna mbi, vanga o wete,+

Wasikila yakwele mvu.

28 Kadi Yave ozolanga unsongi,

Ke yambula minkwikizi miandi ko.+

Okubatanina ntangwa zawonso;+

Kansi, e mbongo a yimpumbulu fwaswa ifwaswa.+

29 Ansongi bevua nza,+

Bezingila vo yakwele mvu.+

30 O nu’a ansongi mambu ma ngangu uvovanga,

O lubini lwandi luvovanga mambu ma ziku.+

31 O nsiku a Nzambi andi una muna ntim’andi;+

E tambi yandi ke yita sakuba ko.+

32 E kimpumbulu kikondelelanga o nsongi,

Muna vava kumvonda.

33 Kansi Yave ke kunyambula vana moko mandi ko+

Ngatu kumvana ngielele vava kefundiswa.+

34 Sia vuvu muna Yave, landa nzil’andi,

Okutundidika kimana wavua e nza.

35 Mbwene kimpumbulu una vo nkwa nsoki

Wayalangana nze nti wasavuka vana ntoto andi.+

36 Kansi, ovididi kuna kinsalukisa, kena diaka ko;+

Imvavidi, kansi kilendele kunsolola ko.+

37 Tala o munkondwa tumbu,*

Sia sungididi muna nsongi,+

Kadi e zingu kiandi kuna ntwala kia luvuvamu.+

38 Kansi, asumuki awonso fwaswa befwaswa;

E zingu kia yimpumbulu kuna ntwala sukiswa kisukiswa.+

39 O luvuluzu lwa nsongi kwa Yave lutuka;+

Yandi i swekameno diandi muna ntangw’a mpasi.+

Okubakûla vana moko ma kimpumbulu yo kubavuluza,

Kadi kwa yandi batinini.+