Wantete wa Paulu Kuna kwa Esi Korinto

8 Muna kuma kia madia metambikwanga kwa teke:+ Yeto awonso tuzeye wo vo tuna yo zayi.+ O zayi tundidika utundidikanga, kansi o zola kumika kukumikanga.+ 2 Avo muntu obenze vo diambu kazeye, kazayidi dio mu mpila ina kafwete dio zayila ko. 3 Kansi avo muntu Nzambi kezolanga, muntu ndioyo ozayakene kwa Nzambi.

4 Vo i diambu dia dia yimenga ya teke, tuzeye wo vo e teke má kiankatu+ kwandi ova nza, kadi vena ye Nzambi mosi kaka.+ 5 Kana una vo vena ye awana beyikilwanga vo nzambi, kana kuna zulu yovo ova ntoto,+ wau vo “nzambi” zayingi zina, e “mfumu” mpe zayingi zina, 6 kansi oku kwa yeto, Nzambi mosi kaka,+ wa Se dieto,+ una vo i tuku dia lekwa yawonso, oyeto mpe kwa yandi tuvuilu;+ Mfumu mosi mpe, Yesu Kristu, muna yandi e lekwa yawonso inina,+ oyeto mpe muna yandi.

7 Kansi, ke awonso ko bena yo zayi wau.+ Ankaka wau vo teke basambilanga, vava bedianga e mbizi yakelelwa yimenga kwa teke bemonanga nze yau besambilanga teke,+ e ntona zau zatovoka, zisafukidi.+ 8 O dia ke kutufinamesanga kwa Nzambi ko;+ avo ke tudidi ko, ke tusundidi sukama ko, avo tudidi, ke tuvueme ko.+ 9 Nutoma tala kimana o nswa eno wa kuyisolela walembi kala se sakuba kw’awana batovoka.+ 10 Kadi ongeye una yo zayi odilanga muna tempelo ya teke, avo muntu una ye ntona za tovoka* umwene, nga ntona zandi ke zikumfila ko mu dia yimenga ya teke? 11 Ozevo, muna zayi waku ofwasidi ndiona watovoka, mpangi aku ona Kristu kafwila.+ 12 Vava nusumukinanga mpangi zeno muna mpila yayi yo lweka ntona zau zatovoka,+ Kristu nusumukinanga. 13 Dianu vo, avo o dia kutesese mpangi ame sakuba, kilendi dia diaka mbizi ko, kimana yalembi tesesa mpangi ame sakuba.+