Nkunga

Nuvana matondo kwa Yave, kadi oyandi wambote;+

O walakazi wandi wakwele mvu.+

 2 Nani olenda samuna mavangu ma nkum’a Yave

Ngatu samuna mavangu mawonso ma nkembo andi?+

 3 Akwa kiese awana betatidilanga unsongi,

Ye awana bevanganga mambu ma unsongi.+

Undunga-ndunga yo kumpuluza,

 5 Kimana yamona o wete osonganga kw’awana wasola,+

Yamona e kiese kumosi ye zula kiaku,

Yo kusanisina kumosi ye vua diaku.

 6 Tusumukini nze akulu eto;+

Tuvangidi edi diambi; tuvangidi owu wa umpumbulu.+

Ke basungamena ulolo wa walakazi waku ko,

Kansi, bakolama vana mbu, vana Mbu Ambwaki.+

 8 Kansi Nzambi wabavuluza muna kuma kia nkumbu andi,+

O nkum’andi wazayakana.+

 9 Watumba Mbu Ambwaki, i bosi wayuma;

Wabafidila muna masina ma kalunga nze muna makanga.+

10 Wabavuluza vana moko ma atantu au+

Yo kubakûla vana moko ma mbeni.+

11 O maza mafuka e mbeni zau;

Ke vavuluka* kana mosi ko.+

12 Muna kuma kiaki, bakwikila muna nsilu andi;+

Bayantika yimbidila o nkembo andi.+

13 Kansi vana vau bavilakana mana kavanga;+

Ke bavingila luludiku lwandi ko.

14 Bakivana muna zolela yau muna makanga;+

Batonta Nzambi muna makanga.+

15 Wabavana ina balomba,

Kansi wabawanda ye kimbevo kina kiabatandisa.+

16 Muna ndo bamwena Mose kimpala

Yo Arone+ wa mvauki a Yave.+

17 O ntoto waziuka, wamina Datani

Yo fuka awana bakala entwadi yo Abirami.+

18 O tiya twalemena vana buka kiau;

O nlaku a tiya wazinisa yimpumbulu.+

19 Bavanga mwan’a ngombe kuna Korebe

Yo kunda teke kia sengwa;*+

20 Basoba nkembo ame

Ye fwaniswa kia ngombe odianga e titi.+

21 Bavilakana Nzambi+ wa Mvuluzi au,

Ona wavanga mambu manene muna Engipito,+

22 Mambu masivi muna nsi a Kami,+

Mambu mansisi muna Mbu Ambwaki.+

23 Fioti fiasala nga wakanikina vo babukumunua,

Kansi Mose ona kasola, wandodokela*

Kimana kakulula makasi mandi mamfwasi.+

24 I bosi baveza nsi yambote;+

Ke bakwikila muna nsilu andi ko.+

25 Bakwamanana yidima muna saba yau;+

Ke bawila nding’a Yave ko.+

26 I kuma kazangulwila koko yo dia ndofi

Vo okubafwasila muna makanga;+

27 Oyambula vo mbongo au yafwaswa muna zula,

Yo kubamwanganesa muna zinsi.+

28 I bosi bakivana muna* nsambila ya Bale-Peo,+

Yo dia yimenga yakelelwa kwa mafwa.*

29 Bafungisa Nzambi makasi muna mavangu mau,+

E vuku i ndwakila kiabalwakila.+

30 Kansi, Finekase vava katelama yo zenga e diambu,

E vuku kiafokoka.+

31 Muna kuma kiaki wabadikilwa vo muntu ansongi,

Muna mbandu zawonso yakwele mvu.+

32 Bafungisa Nzambi makasi vana maza ma Meriba,*

Mose wabaka kikilu mfwilu muna kuma kiau.+

33 Bafungisa Mose makasi,

Wavova lembi yindula muna befo yandi.+

34 Ke bafukisa minkangu ko+

Wauna Yave kabakanikina.+

35 Kansi basangana ye zula+

Yo tanginina e* fu yau.+

36 Bakwamanana sadila teke yau,+

Yo kituka se ntambu kuna kwa yau.+

37 Bakelanga wan’au amakala

Ye amakento se yimenga kwa nkuya.+

38 Bakwamanana bungula menga ma munkondwa-kuma,+

Menga ma wan’au amakala ye amakento

Ana bakelanga se yimenga kwa teke ya Kenani;+

E nsi yasafulwa muna vangu dia bungula menga.

39 Bafunzuka muna mavangu mau;

Bata zumba kia mwanda muna mavangu mau.+

40 I dianu vo, makasi ma Yave mafusukila muna nkangu andi,

Yo menga e vua diandi.

41 Nkumbu miayingi kabayekola kwa esi zula,+

Kimana bayalwa kw’awana babamenganga.+

42 Babangikwa kikilu kwa mbeni zau,

Basakidikwa kuna nsi a wisa kiau.*

43 Nkumbu miayingi kabavuluza,+

Kansi yau bantelamenanga ye kunkolamena,+

Bakululwa muna bi wau.+

44 Kansi wamonanga e mpasi zau+

Yo wá e kazu kiau.+

45 Wasungamenanga e kangu diandi mu kuma kiau,

Yo kubafwila e nkenda* mu kuma kia walakazi wandi wayingi.+

46 Wafila awana babanata muna kinkole

Babafwila e nkenda.+

47 Utuvuluza, e Yave wa Nzambi eto,+

Utukutakesa tuka muna zula+

Kimana twakembelela e nkumbu aku avauka,

Twakala ye kiese kiayingi muna kusanisina.*+

48 Yambula Yave wa Nzambi a Isaele kakembelwa

Yamu mvu ya mvu.+