Wantete wa Paulu Kuna kwa Esi Korinto

13 Avo mpovele muna ndinga za wantu ye ndinga za mbasi kansi kina yo zola ko, ngina nze zú dia ngunga yovo zú dia kimbalu. 2 Avo ngina yo lukau lwa sakula yo bakula e mbumb’avauka yawonso yo zayi wawonso,+ avo ngina yo lukwikilu lwawonso luna ndenda yalulwila miongo, kansi kina yo zola ko, i mpavala kwame.*+ 3 Avo ndikidi ankaka muna mavua mame mawonso,+ avo ngiekwele nitu ame se lukau muna kuyisana, kansi kina yo zola ko,+ ke dikuntwasila nluta ko.

4 O zola+ kuna yo luzindalalu+ ye ngemba.+ O zola ke kwina ye kimpala ko.+ Ke kukuyisananga ko, ke kukuyitundidika ko,+ 5 ke kuvanganga mambu malembi songa ko,+ ke kuvavanga wete wa yandi kibeni ko,+ ke kufunganga makasi mu nzaki ko.+ O zola ke kubadikanga mbi ko.+ 6 Ke kumwena vilwa kiese ko,+ kansi kumwena ludi e kiese. 7 Kuzizidila mawonso,+ kukwikila mawonso,+ kusila mawonso e vuvu,+ kuzindalela mawonso.+

8 O zola ke kusuka nkutu ko. Avo vena ye tukau twa sakula, suka tusuka; avo vena ye ndinga,* suka zisuka; avo vena yo zayi, suka usuka. 9 Kadi o zayi weto wa ndambu,+ e nsakul’eto mpe ya ndambu; 10 kansi vava kikwiza owu walunga, owu wa ndambu suka usuka. 11 Vava yakala kimwana-mwana, yavovanga nze kimwana-mwana, yayindulanga nze kimwana-mwana, yabadikanga nze kimwana-mwana; kansi wau yakituka se mbuta, yayambula mambu ma kimwana. 12 Kadi owau tumwenanga muna pelo ke kitoma mwesanga ko, kansi muna tandu kiakina, tutoma mona. Owau zayi wame wa ndambu kaka, kansi muna tandu kiakina, o zayi wame walunga ukala, wauna Nzambi kanzayidi una ufwene. 13 Owau, mambu mama matatu masidi: lukwikilu, vuvu, zola; kansi edi disundidi i zola.+