Ngana

19 Disundidi o wete o kala nsukami yo kangalela kuna ziku+

Ke mu kala zowa ko yo vova luvunu.+

 2 Ke diambote ko muntu kakondwa zayi,+

O nkwa ntim’a duku-duku,* osumukanga.

 3 O uzowa wa muntu ubendomonanga nzil’andi,

O ntim’andi Yave ufungilanga makasi.

 4 E kimvuama akundi ayingi kiwokesanga,

Kansi, o nsukami bembolwa kebembolwa kana nkutu kwa nkundi andi.+

 5 O mbangi aluvunu tumbwa ketumbwa,+

Ndiona ovovanga luvunu ke vuluka ko.+

 6 Ayingi bevavanga dienga dia nkwa zitu,*

Awonso bezolanga vanga kikundi ye ndiona okayanga tukau.

 7 Avo nsukami omengwanga kwa mpangi zandi zawonso,+

Vo i akundi andi nkutu vavuka bekumvavuka!+

 9 O mbangi aluvunu tumbwa ketumbwa,

Ndiona ovovanga luvunu fwa kefwa.+

10 Ke difwene ko kwa zowa kazingila muna kimvuama;

Ngatu ntaudi kayala zimfumu!+

11 O nkwa ngangu ke funganga makasi mu nzaki ko,+

Diambote kuna kwa yandi mu viokesa e mbi.*+

12 E kasi dia ntinu dina nze nkwit’a nkosi,*+

Kansi, e dienga diandi dina nze lowa muna matiti.

13 O mwan’a zowa se diandi kemwesanga e mpasi,+

O nkento wazola ntantani* una nze nludi a nzo ukwamanananga noka.+

14 E nzo ye kimvuama i vua betambulanga o wana kwa mase,

Kansi o nkento angangu i nkayilu utukanga kwa Yave.+

15 E kimolo wosola kia tulu kitwasanga,

O molo nzala kefwa.+

16 Ndiona olundanga nkanikinu, moyo andi ketatidilanga;+

Ndiona olembi lunga-lunganga nzila zandi, fwa kefwa.+

17 Ndiona ofwilanga nsukami e nkenda Yave kesompekanga,+

Senda kekunsenda muna vangu diandi.+

18 Longa mwan’aku ekolo vena ye vuvu,+

Kukadi nkwa kuma ko muna lufwa lwandi.*+

19 O muntu ofunganga makasi mu nzaki, tumbwa ketumbwa;

Avo unyambulwidi, nkumbu miayingi ovanga wo.+

20 Wá luludiku yo tambulwila e longi,+

Kimana wakala ye ngangu kuna sentu.+

21 E makani mayingi muna ntim’a muntu,

Kansi lukanu* lwa Yave lusikila.+

22 E diambu ditoma yangalelwanga muna muntu i walakazi wandi;+

Diambote mu kala nsukami ke mu kala nkwa luvunu ko.

23 O vumi wa Yave ufilanga ku moyo;+

Ona wina wau, vuvama kevuvama ke kala mu vonza ko.+

24 O molo osidi koko kwandi muna pidi,

Kansi kavangidi ngolo ko za nata ko muna nua.+

25 Wanda mvezi,+ kimana munkondwa ngangu kalûka,+

Tumba nkwa umbakuzi kimana zayi wandi wawokela.+

26 Ndiona obangikanga se diandi yo yinga ngudi andi

I mwana otwasanga nsoni yo luvezo.+

27 E mwan’ame, avo yambwidi wa longi,

Vengomoka ovengomoka muna mpova za zayi.

28 O mbangi ambi ovezanga unsongi,+

O nu’a kimpumbulu mambu mambi uminanga.+

29 Akwa luvezo tumbu bakubikilwa,+

E nima za mazowa zakubikilwa e ngwanda.+