Tuku

2 I wau wuwu wasemenua e zulu yo ntoto ye lekwa yawonso ina mo.*+ 2 Yamuna lumbu kiansambwadi, Nzambi wakifokolwela e salu kasalanga, muna lumbu kiansambwadi, wayantika vunda muna salu yandi yawonso ina kasala.+ 3 Nzambi osambwidi e lumbu kiansambwadi yo yikila kio vo kiavauka, kadi muna lumbu kiokio, o Nzambi wayantika vunda muna salu kiandi kiawonso kia sema, muna yawonso kakana o vanga.

4 Olwalu i lusansu lwa zulu yo ntoto vava wasemwa, muna lumbu kina Yave* wa Nzambi kavanga o ntoto ye zulu.+

5 Ke vakala titi ya nzanza ko ova ntoto, e mbundu a nzanza mpe ke yakiyantikila mena ko, kadi o Yave wa Nzambi kakinokesena mvula ko ova ntoto, ke vakala muntu ko mu vata o ntoto. 6 Kansi e mbungezi yafutumukanga tuka muna ntoto yo yondeleka o ntoto wawonso.

7 Yave wa Nzambi ovangidi muntu muna mbundukutu a ntoto,+ ofudidi muna mazunu mandi e fulumwinu kia moyo,+ o muntu okitukidi se wamoyo.*+ 8 I bosi, Yave wa Nzambi okunini mpatu muna Edene,+ kuna este; i mûna kasidi o muntu ona kavangidi.+ 9 Yave wa Nzambi omenese muna ntoto e nti miawonso mina vo miambote muna tala ye bundu yambote muna dia yo nti a moyo+ vana kati kwa mpatu yo nti a zayila e mbote ye mbi.+

10 Muna Edene muvaikidi nkoko wayondelekanga e mpatu, tuka mwamuna uvambanene se nkoko yá.* 11 E nkumbu a nkoko wantete Pisone; i nkoko uviokelanga muna nsi yawonso ya Kavila, muna mwina e wolo. 12 O wolo wa nsi yayina wambote. Muna mpe ye bedeliume* ye matadi ma onise. 13 E nkumbu a nkoko wanzole Ngikoni; i nkoko uviokelanga muna nsi yawonso ya Kuse. 14 E nkumbu a nkoko wantatu Kidekele;*+ i nkoko ukwendanga kuna este ya Asuri.+ O nkoko wayá i Uferate.+

15 Yave wa Nzambi obongele o muntu, unsidi muna mpatu a Edene kimana kavata yo lunga-lunga yo.+ 16 Yave wa Nzambi okanikini mpe muntu vo: “E bundu ya nti miawonso mina omu mpatu, olenda yo dia kwaku konso una ozolele.”+ 17 Kansi, vo i bundu kia nti wazayila e mbote ye mbi, kudie kio ko, kadi e lumbu o dia kio fwa ofwa.+

18 I bosi, Yave wa Nzambi ovovele vo: “Ke diambote ko kwa yakala kakwamanana kala yandi mosi. Ikumvangila nsadisi umfwanukini.”+ 19 Muna ntoto, Yave wa Nzambi i kavangila e bulu yawonso ya mfuta ye vangwa itilumukanga muna zulu yo twasa yo kwa muntu mu zaya una keyikila konso bulu; una o muntu kayikila konso vangwa kiamoyo, i yau yakituka se nkumbu andi.+ 20 I wau wuwu o muntu kavanina e nkumbu kwa bulu yawonso ya vata ye ya mfuta ye vangwa itilumukanga muna zulu, vo i yakala, kakala yo nsadisi umfwanukini ko. 21 Muna kuma kiaki, Yave wa Nzambi olekese yakala e wosola kia tulu, ekolo kakala kuna tulu, Nzambi obongele luvati lwa mpati zandi yo fukila nsuni vana kabongele lo. 22 Muna luvati kakatwidi kwa yakala, Yave wa Nzambi ovangidi nkento yo kuntwasa kwa yakala.+

23 I bosi, yakala ovovele vo:

24 Ekiaki i kuma o yakala kesisila se diandi yo ngudi andi yo tatidila* nkaz’andi, bekituka se nitu mosi.+ 25 Yau awole nkonga* bakala,+ o yakala yo nkaz’andi; kansi ke bamonanga nsoni ko.