Nkunga

 2 Vitila e miongo miawutuka

Yovo vitila wasema e nza ye ntoto uyimanga e mbongo,+

Ongeye u Nzambi yamu mvu ya mvu.+

 3 Ngeye ovutula muntu muna ntoto;

Ovovele vo: “Nuvutuka, yeno wan’a wantu.”+

 4 Kadi, e funda dia mvu vana meso maku, nze mazono,+

Nze ngingila ya fuku.

 5 Ubakukumwini nze kizalu;+ bena nze tulu;

Muna mene bena nze titi isakumukini.+

 6 Oku mene yimenene yo sakumuka,

Kansi, kuna masika ilengele yo yuma.+

 7 Kadi muna makasi maku tuvempokele+

Yo zakama muna nganzi zaku.

 8 Osidi masumu meto vana ndose aku;*+

Mambu meto mansweki masenzamene muna ntemo a ndose aku.+

 9 E lumbu yeto iviokele mu kuma kia makasi maku;

E mvu mieto misukanga nze mwaya.

10 E mvu mia zingu kieto 70

Yovo 80+ kw’awana bakumama.

Kansi miazala ye mpasi ye ntantu;

Nzaki miviokanga, i bosi tuvilanga.+

12 Utulonga una tulenda tangila e lumbu yeto+

Kimana twavua ntim’a ngangu.

14 Utuyukutisa yo walakazi+ waku muna mene,

Kimana twayangalala yo mona kiese+ e lumbu yeto yawonso.

15 Utumwesa kiese mun’owu wa lumbu watumwesesa e mpasi,+

Kadi mvu miayingi twamona e mpasi.+

16 Yambula selo yaku bamona salu yaku,

O wan’au bamona wete waku.+

17 Yambula dienga dia Yave wa Nzambi eto diakala yeto;

Wokesa* e salu ya moko meto.