MVUTU ZA YUVU YA NKAND’A NZAMBI

Nkand’a Nzambi i Diambu dia Nzambi. Una nze nkanda watuka kw’ese dianzodi. (2 Timoteo 3:16) Muna Nkand’a Nzambi, Nzambi osasilanga una tulenda kunyangidikila, e kuma ke yambulwilanga e mpasi ye dina kevanga kuna sentu muna wete dia wantu. Kansi, alongi a mabundu bebendomonanga malongi ma Nkand’a Nzambi muna kuma kiaki, wantu ayingi beyindulanga vo ke balendi wo bakula ko.—Mavangu 20:29, 30.

Yave wa Nzambi ozolele vo twazaya ludi mu kuma kiandi. Muna kuma kiaki, watuvana o nkanda una tulenda bakula.—Tanga 1 Timoteo 2:3, 4.

Yave katuvana kaka Nkand’a Nzambi ko, kansi okutusadisanga mpe muna bakula wo. Watuma Yesu muna kutulonga. (Luka 4:16-21) Yesu wasadisa wantu kalonganga mu bakula Nkand’a Nzambi, kadi wasasilanga sono yayingi.—Tanga Luka 24:27, 32, 45.

Yesu wasikidisa nkutakani y’Akristu kimana salu kina kayantika kiakwamananwa salwa. (Matai 28:19, 20) O unu, alongoki akieleka a Yesu besadisanga wantu mu bakula dina Nkand’a Nzambi kelonganga mu kuma kia Nzambi. Avo ozolele bakula Nkand’a Nzambi, Mbangi za Yave bekala ye kiese muna kusadisa.—Tanga Mavangu 8:30, 31.