Programa za Lukutakanu lwa Salu

Lumingu lwa 10 lwa Setemba

Nkunga 225

Min. 10: Tuzayisu twa nkutakani. Sadila nsunzula za Salu Kieto kia Kintinu, (kele vo zafwana sadilwa muna zunga kieno) songa una ulenda sunzulwilwa yinkanda-nkanda yampa ina muna nkutakani. Kana una vo yinkanda-nkanda yole ikaywa, songela kaka umosi.

Min. 15: Mvutu za Yuvu. Elongi dia mbokena yo nkangu difilwa kwa nkuluntu. Avo ntangwa ina, tanga yo sasila e sono ya Nkand’a Nzambi iyikilu.

Min. 20: “Landa Mbandu a Yesu.”a Lomba kwa nkangu bayika e nluta bebakanga muna mbandu ambote y’akaka.

Nkunga 130 ye sambu kia nsuka.

Lumingu lwa 17 lwa Setemba

Nkunga 60

Min. 10: Tuzayisu twa nkutakani.

Min. 15: Nkia Salu Twasala mu Mvu Wavioka? Nkengi a salu ofimpa nsangu za salu kia nkutakani kia mvu wavioka, yika diambu dialukasakeso diavangama muna salu kia umbangi. Sanisina awonso mu kuma kia salu kiambote basadidi. Yika diambu dimosi yovo mamole mafwete singikwa muna mvu ampa a salu. Yika e salu kiamfunu besalanga aviti a nzila. Yika nluta twatambula muna ngolo twavanga mu sadisa awana bayambula samuna e nsangu zambote.

Min. 20: Kintwadi kia Wan’angudi mu Nz’amvimba. Elongi ye mbokena yo nkangu dibongelo, muna nkanda Organizados para Fazer a Vontade de Jeová kapu kia 16.

Nkunga 74 ye sambu kia nsuka.

Lumingu lwa 24 lwa Setemba

Nkunga 162

Min. 10: Tuzayisu twa nkutakani. Tanga nsangu za tukau ye nkanda a matondo kefilanga e vula.

Min. 10: Oma mavwilu mfunu mu nkutakani.

Min. 20: Sadila finkanda-nkanda Aprender da Bíblia muna yantika elongi dia Nkand’a Nzambi muna ngonde ya Oktoba. Muna ngonde ya Oktoba tukaya Eyingidilu ye Despertai!. Avo muntu osongele luzolo lwambote, lenda sadila finkanda-nkanda Aprender da Bíblia muna yantika elongi dia Nkand’a Nzambi. Sasila mu mvovo miankufi oma mena muna finkanda-nkanda, i bosi lomba kw’asongi a fulu mu vana finkanda-nkanda fimosi fia Aprender da Bíblia kw’awonso bena muna lukutakanu. Zaisa vo e finkanda-nkanda fiafi filongokwa y’avwa-nzo muna nkingula yantete yovo vava ovutuka kubakingula. Sadila e nsunzula zina muna Salu Kieto kia Kintinu (kele vo zafwana sadilwa muna zunga kieno) songa una ulenda sunzulwilwa e yinkanda-nkanda yampa ina mu nkutakani. Muna nsongesela imosi, o nteleki kasisa finkanda-nkanda, kele vo mvw’a nzo kazolele tambula yinkanda-nkanda yeto ko. Muna nsongesela yakaka, avo mvw’a nzo otambwidi yinkanda-nkanda, o nteleki okumvana diaka finkanda-nkanda yo mokena yandi oma mena muna lukaya lwa 5, y’oma mena muna lukaya lwa 6 lwa Nkand’a Nzambi Adieyi Kelonganga yo vova vo okunatina o nkanda wau vava kevutuka.

Nkunga 222 ye sambu kia nsuka.

Lumingu lwa 1 lwa Oktoba

Nkunga 88

Min. 10: Tuzayisu twa nkutakani. Tuzayisu twa Salu Kieto kia Kintinu. Susumuna ateleki batwasa e nsangu zau za salu kia Setemba.

Min. 15: Nkanda Utukidi ku Vula. Elongi ye mbokena yo nkangu dibongelo muna nkanda utukidi ku Vula una mu lukaya lwantete lwa Salu Kieto kia Kintinu. Lomba kwa nkangu bavova mambu bawanana mau muna zunga kiau muna mpaika mu buka yakayilwa e mboka kwa wantu mu kwiza ku Lukutakanu lwa Mvivu “Landa Kristu!”

Min. 20: “Tuwokesa Salu Kieto kia Umbangi.”b Lomba kwa mpangi zamakala ye zamakento ana besianga ngolo za sala kwayingi bayika dina bevanganga mu wokesa salu kiau kia umbangi. Teka sola nteleki mosi yovo nwole bakubika mana bevova.

Nkunga 102 ye sambu kia nsuka.

[Mvovo Vana Yand’a lukaya]