TUTOMESA NDEKWA ZETO MUNA SALU KIA UMBANGI Simba Ntima mia Wantu Muna Sadila Nkanda “Zola kwa Nzambi”

EKUMA DININA O MFUNU: O wantu bafwete longoka nkanikinu mia Yave yo sadila mio kimana bansambila muna mpila kentondanga. (Yes 2:3, 4) O nkanda “Zola kwa Nzambi” una vo i nkanda wazole tusadilanga mu longa o wantu, usadisanga alongoki a Nkand’a Nzambi mu bakula una balenda sadila nkanikinu mia Nkand’a Nzambi muna zingu kia lumbu ke lumbu. (Ayib 5:14) Tufwete vanganga mawonso mu simba e ntima miau vava tukubalonganga. Muna mpila yayi, bekala ye kani diasikila mu vanga e nsobani muna zingu kiau.—Roma 6:17.

UNA TULENDA WO VANGILA:

• Toma kubamanga, yindulanga e nsatu za nlongoki aku. Vanganga yuvu ilenda fila nlongoki mu vova mana keyindulanga mu kuma kia mana kelongokanga.—Nga 20:5; be 259

• Sadila e babu ina muna nkanda mu sadisa nlongoki kabakula o mfunu wa sadila nkanikinu mia Nkand’a Nzambi

• Sadisa nlongoki kabaka nzengo yandi kibeni, kubaki nzengo ko vana fulu kiandi.—Ngal 6:5

• Kuna ndekwa zawonso, vava zaya kana vo nlongoki aku lusadisu kavuidi o mfunu muna sadila nkanikinu mia Nkand’a Nzambi. Unkasakesa kavanga e nsobani mun’owu wa zola kwandi muna Yave.—Nga 27:11; Yoa 14:31