O sadisa akaka, kiese mpe dikutwasila. Nga wasadisa kala muntu wanatanga e zitu diampwena dina kalendi nata yandi mosi ko? Avo i wau, kiese wamona mu vana lusadisu kwa nkw’aku. Diau adimosi mpe, mase besansanga wana yau mosi zitu diampwena benatanga, ezak’e ntangwa, ke zitu dilenda natwa kwa muntu mosi ko. Vava okubasadisanga, omonanga e ziku kia mvovo miasonama muna Nkunga 41:1 vo: “Nkwa nsambu on’obadikang’asukami.”

Nanga tulenda yindula vo diangangu mu yuvula se yovo ngudi ampumpa: “Nkia lusadisu mfwete kuvana?” Kansi, ka vena muntu ko olenda kuvana e mvutu za kiuvu nze kiaki, kazayisa kikilu e nsatu zandi. E sono kia Nkunga 41:1 tutenge kala kituvovese vo ‘twabadikanga’ e nsatu z’akaka. Disionario dimosi, disasilanga mvovo wau wa Kiyibere nze “umbakuzi wa zaya ngindu za muntu yo vanga edi diansongi.”