LONGI DIA 17

Nkia Mpila Muntu Yesu Kena?

Wa Nieteka

Vava tulongokanga mana Yesu kavova yo vanga vava kakala ova ntoto, tubakulanga e fu yandi eyi ilenda kutusadisa mu kala akundi andi ye akundi a Yave wa Se diandi. Yambula twazaya yankaka muna fu ya Yesu ye una tulenda yo tanginina muna zingu kieto.

1. Aweyi Yesu kafwananene yo Se diandi?

Yesu wazinga yo Se diandi dia nzodi kuna zulu mu mvu miayingi, muna kolo kiokio walongoka mambu mayingi. Ekiaki i kuma Yesu keyindulwilanga, mwena yo vangila e mambu nze Se diandi. (Tanga Yoane 5:19.) Yesu watoma tanginina e fu ya se diandi, i dianu kavovela vo: “Konso ona umbwene, omwene mpe o Se.” (Yoane 14:9) Avo olongokele kiwuntu kia Yesu, otoma zaya Yave. Muna bonga e nona, e mpila Yesu kakadilanga yo wantu isonganga vo Yave okuvuanga o mfunu.

2. Aweyi Yesu kasongela vo Yave kezolanga?

Yesu wavova vo: “E nza yazaya wo vo izolanga o Se, wauna o Se kankanikina i wau ivanga.” (Yoane 14:31) Vava kakala ova ntoto, Yesu wasonga vo Se diadi kezolanga muna kunlemvokela kana nkutu vava diakalanga diampasi. Yesu wazolanga mpe longa o wantu mambu ma Se diandi yo kubasadisa bakala akundi a Yave.—Yoane 14:23.

3. Aweyi Yesu kasongela vo wantu kezolanga?

Bibila kivovanga vo Yesu ‘otoma yangalelanga wantu.’ (Ngana 8:31) Yesu wasonga vo ozolanga wantu muna kubakasakesa yo kubasadisa. Vava kavanganga masivi, kasonganga kaka nkum’andi ko, kansi wasonganga mpe nkenda zandi. (Maku 1:40-42) Wakadilanga yo wantu kuna ngemba yo lembi sia mpambula. E malongi mandi mavana vuvu yo lufiaulwisu kwa awonso bakala ye luzolo lwa kunwá. Yesu wamona mpasi yo fwa, kadi ozolanga wantu awonso. Kansi, otoma zolanga awana belemvokelanga malongi mandi.—Tanga Yoane 15:13, 14.

ZAYA DIAKA MANKAKA

Zaya mambu mankaka mu kuma kia kiwuntu kia Yesu. Zaya mpe una olenda tanginina Yesu muna songa o zola ye fu kia kaya.

4. Yesu ozolanga Se diandi

Mbandu a Yesu ikutulonganga una tulenda songela zola kweto kuna kwa Nzambi. Tanga Luka 6:12 ye Yoane 15:10; 17:26. Vava ofokola tanga konso sono, vana e mvutu za kiuvu eki:

Aweyi tulenda tanginina Yesu yo songa vo Yave tuzolanga?

Yesu osambanga. — Yesu wazolanga Se diandi dia zulu ye wamokenanga yandi nkumbu miayingi muna sambu

5. Yesu otokanenanga e wete dia awana bavuidi lusadisu o mfunu

Yesu wasianga e nsatu za wantu ankaka vana fulu kiantete ke mu nsatu zandi ko. Kana nkutu vava kakalanga wayoya, wasadilanga ntangwa ye ngolo zandi mu sadisa wantu. Tanga Maku 6:30-44, i bosi, vana e mvutu za yuvu eyi:

Nze una omwene muna lusansu lwalu, aweyi Yesu kasongela vo watokanenanga e wete dia akaka?—Tala tini kia 31, 34, 41, ye 42.
Nki kiafilanga Yesu mu sadisa akaka?—Tala tini kia 34.
Wau vo Yesu watanginina fu ya Yave, ediadi adieyi dilongele mu kuma kia Yave?
Aweyi tulenda tanginina Yesu mu mpila ina katokanenanga e wete dia akaka?

Muna mpila sivi, Yesu okitwidi mbolo tanu ye mbizi zole za maza se zayingi yo dikila ulolo wa wantu. Alongoki bavene zo kwa akala, akento yo wana.

6. Yesu wakala ye fu kia kaya

Kanele vo kakala ye mavua mayingi ko, Yesu wakala ye fu kia kaya, okutuvovesanga mpe vo twakala ye fu kiaki. Tanga Mavangu 20:35, i bosi, vana e mvutu za kiuvu eki:

Landila mvovo mia Yesu, aweyi tulenda kadila ye kiese?

Tala e VIDEO, i bosi, vana e mvutu za kiuvu kilende.

VIDEO: “E Diambu Disundidi e Kiese i Vana”—Findambu Kaka (4:00)

Aweyi tulenda songela fu kia kaya, kana nkutu vo ke tuna ye mavua mayingi ko?

Nga ozeye?

Bibila kikutulonganga vo twasambanga kwa Yave muna nkumbu a Yesu. (Tanga Yoane 16:23, 24.) Vava tusambanga muna nkumbu a Yesu, tusonganga vo tuvutulanga matondo muna mawonso kavanga mu kutusadisa twakala akundi a Yave.

AVO MUNTU UVOVESE VO: “Nzambi ke tokanenanga mpasi zeto ko.”