3, 4. (a) Aweyi o Yesu kekwamanenanga longa o nkangu andi akwikizi oma ma Kintinu kia Nzambi? (b) Adieyi tubadika mu kapu kiaki?

³ Yesu wavova e mvovo mina muna Yoane 16:12 muna fuku wansuka wa zingu kiandi ova ntoto. Kuna nim’a lufwa lwandi, aweyi kadi kwamanena longa akwa kwikizi oma ma Kintinu kia Nzambi? Wavovesa ntumwa zandi vo: “Mwand’a ludi . . . okunufila muna ludi kiawonso.”a (Yoa. 16:13) Tufwete badikilanga mwand’avelela nze mfidi a luzindalalu. Yesu osadilanga mwand’avelela muna longa alandi andi konso dina bazolele zaya mu kuma kia Kintinu kia Nzambi, muna ntangwa ina bafwete dio zaya.