LONGI DIA 54
Nani i “Ntaudi Akwikizi yo Lulungalalu” ye Nkia Salu Kesalanga?
Yesu i Ntu a nkutakani a Kikristu. (Efeso 5:23) O unu, tuka kuna zulu Yesu osadilanga “ntaudi akwikizi yo lulungalalu” mu twadisa alandi andi ova ntoto. (Tanga Matai 24:45.) Yesu yandi kibeni watumbika “ntaudi” ndioyo yo kumvana wisa kia baka nzengo. Kansi, ntaudi ndioyo olemvokelanga Kristu yo sadila mpangi za Kristu. Nani i ntaudi ndioyo? Aweyi kekutulunga-lungilanga?
1. Nani i “Ntaudi Akwikizi yo Lulungalalu”?
Tuka kolo Yave osadilanga muntu yovo buka kiakete kia wantu mu vana luludiku kwa nkangu andi. (Malaki 2:7; Ayibere 1:1) Kuna nim’a lufwa lwa Yesu, antumwa ye akuluntu kuna Yerusaleme, yau bavitanga o ntu. (Mavangu 15:2) O unu mpe, buka kiakete kia akuluntu, i sia vo, Selo Yambuta ya Mbangi za Yave, bevananga madia ma mwanda yo fila salu kia samuna e nsangu zambote. E buka kiaki i “Ntaudi Akwikizi yo Lulungalalu ona wavewa kiyekwa kwa [Yesu].” (Matai 24:45a) Awonso bena muna buka kia Selo Yambuta, Akristu akuswa, ana beyala yo Kristu muna Kintinu kiandi kuna zulu.
2. O ntaudi akwikizi aweyi kevaninanga madia ma mwanda kwa nkangu a Yave?
Yesu wavova vo ntaudi akwikizi ‘ovana madia [kwa akw’andi Akristu] muna ntangwa ifwene.’ (Matai 24:45b) Wauna e madia mekumikanga nitu zeto yo kutuvana mavimpi mambote, e madia ma mwanda, i sia vo, malongi metukanga muna Diambu dia Nzambi, mekutuvananga nkuma tuvuidi o mfunu mu tatidila kwikizi kieto muna Yave yo sala e salu Yesu katuvana. (1 Timoteo 4:6) Tutambulanga madia mama muna tukutakanu twa nkutakani, tukutakanu twampwena, muna nkanda ye video zikutusadisanga mu bakula luzolo lwa Nzambi yo siamisa kikundi kieto yo yandi.
ZAYA DIAKA MANKAKA
Tala e kuma tuvuididi o mfunu wa “ntaudi akwikizi yo lulungalalu,” i sia vo, Selo Yambuta.
E Selo Yambuta bevananga madia ma mwanda, tuludiku ye lusadisu kwa Mbangi za Yave mu nza yawonso
3. Nkangu a Yave watoma kubikwa
Muna lutumu lwa Yesu, Selo Yambuta bekubikanga e salu kia Mbangi za Yave. I wauna mpe Yesu kafidilanga Akristu a tandu kiantete. Tala e VIDEO.
Tanga 1 Korinto 14:33, 40, i bosi, vana e mvutu za kiuvu eki:
Aweyi e sono kiaki kisongelanga vo Yave ozolele vo Mbangi zandi bakala mu nkubika?
4. Ntaudi akwikizi okubikanga e salu kia umbangi
E salu kia umbangi i salu kiasunda o mfunu kwa Akristu a tandu kiantete. Tanga Mavangu 8:14, 25, i bosi, vana e mvutu za yuvu eyi:
Nani wavananga luludiku kwa Akristu a tandu kiantete mu kuma kia mpila ifwete sadilwa e salu kia umbangi?
Nga Petelo yo Yoane batambulwila luludiku bavewa kwa ntumwa zankaka?
E salu kia umbangi i salu kisundidi o mfunu kikubikwanga kwa Selo Yambuta. Tala e VIDEO.
Yesu wasonga vo salu kia samuna e nsangu zambote mfunu kikilu kina. Tanga Maku 13:10, i bosi, vana e mvutu za yuvu eyi:
Ekuma e salu kia umbangi kinina o mfunu kwa Selo Yambuta?
Ekuma tuvuididi o mfunu wa “ntaudi akwikizi yo lulungalalu” mu kubika e salu kia umbangi mu nza yawonso?
5. Ntaudi akwikizi ovananga tuludiku
E Selo Yambuta bevananga tuludiku kwa Akristu mu nza yawonso. Aweyi bebakilanga e nzengo za luludiku bevana? Tala una e Selo Yambuta muna tandu kiantete bavangilanga wo. Tanga Mavangu 15:1, 2, i bosi, vana e mvutu za yuvu eyi:
Nkia diambu diatwasa ntantani vana kati kwa Akristu a tandu kiantete?
O Paulu, Banaba ye akaka, kwa nani bayenda lomba lusadisu mu singika diambu diadi?
Tanga Mavangu 15:12-18, 23-29, i bosi, vana e mvutu za kiuvu eki:
Vitila babaka nzengo, aweyi selo yambuta muna tandu kiantete bavavila luludiku lwa Nzambi mu diambu diadi?—Tala tini kia 12, 15, ye 28.
Tanga Mavangu 15:30, 31 ye 16:4, 5, i bosi, vana e mvutu za yuvu eyi:
Akristu a tandu kiantete, nga batambulwila luludiku bavewa kwa selo yambuta?
Aweyi Yave kasambulwila o nlemvo basonga?
Tanga 2 Timoteo 3:16 ye Yakobo 1:5, i bosi, vana e mvutu za kiuvu eki:
O unu, akweyi Selo Yambuta bevavilanga luludiku muna baka nzengo?
AVO MUNTU UVOVESE VO: “Avo lemvokele Selo Yambuta, wantu olandanga.”
Adieyi dikukwikidisanga vo Yesu ofilanga Selo Yambuta?
MAMBU MASINA MA LONGI DIADI
E Selo Yambuta i “ntaudi akwikizi yo lulungalalu” ona wasolwa kwa Kristu. Ovananga tuludiku ye madia ma mwanda kwa Akristu mu nza yawonso.
Nkia Mambu Olongokele?
Nani wasola “ntaudi akwikizi yo lulungalalu”?
Aweyi Selo Yambuta betokanenanga e wete dieto?
Nga okwikidi vo e Selo Yambuta i “ntaudi akwikizi yo lulungalalu”?
TALA MPE OMA MALENDE
Tala una Selo Yambuta besadilanga salu kiau.
“Aki Nani i Selo Yambuta ya Mbangi za Yave?” (Longi dina muna jw.org)
Tala una e Selo Yambuta bevangilanga e ngolo mu kutuvana madia ma mwanda mafwana bundwa e vuvu.
E Selo Yambuta, aweyi bebadikilanga e salu Yesu kabavana?
Aweyi tukutakanu tweto twa nkutakani ye twampwena tusongelanga vo Yave ofilanga e Selo Yambuta?