9. Ekuma Paulu katezanesa Akristu akuswa muna mwanda ye yîkwa ya nitu?

⁹ Tanga Roma 12:​4, 5, 9, 10. Paulu watezanisa Akristu akuswa ye yîkwa ya nitu, ana besalanga entwadi muna wisa kia Kristu wa Ntu au. (Kol. 1:​18) Wasungamesa Akristu akuswa muna mwanda vo e nitu ivwidi yîkwa yayingi, konso yîkwa kina yo mfunu andi. ‘Kana una vo yayingi, to kimosi muna Kristu.’ Diau adimosi, Paulu wasonekena Akristu akuswa kuna Efeso vo: “Wau tuludikilang’aka muna zola, twavangama muna mambu mawonso muna yandi, ona wina vo i ntu, wa Kristu; ndiona e to kiawonso kiafwaninikinwa yo yikakeselwa muna mpambwil’a yikilwa yawonso, mun’owu wa mfunka, muna kiandi tezo, ya kîkwakîkwa yawonso, kivongeselang’e to yamuna kuvangamesa muna zola.”​—⁠Ef. 4:​15, 16.

11. Nki kitwasanga kintwadi muna nkutakani? Nkia luludiku lwakaka kavana o Paulu?

¹¹ Kintwadi kiaki mu zola kitukanga, kuna vo i “kangwa kia zikuka.” (Kol. 3:​14) Muna Roma kapu kia 12, Paulu watoma yika o mfunu a zola vava kavova vo tufwete kala yo zola “kwakondwa kuvùnina” ye ‘mun’owu wa nzolani a ungudi, twakalaziana yo walakazi.’ Ediadi dikutufilanga mu zitisa muntu yo nkw’andi. Paulu wavova vo: “Mun’owu wa zitu, nuyinduziana.” Kansi, tufwete zayanga swaswanesa o zola kwakieleka ye zola kwa mvovo miankatu. Tufwete vanganga mawonso tulenda kimana e nkutakani yakala yavelela. Vava kavana luludiku mu kuma kia zola, Paulu wakudikila vo: “Numona dina diambi e ngemi; nutatidila dina diambote.”