LONGI DIA 33
Kintinu kia Nzambi Nkia Mambu Kivanga?
Kintinu kia Nzambi mu yala se kina kuna zulu. Ke kolo ko, kiyala e nza yawonso yo vanga mambu mayingi mambote. Yambula twazaya maka mambu mevangama muna Kintinu kia Nzambi.
1. Aweyi Kintinu kia Nzambi kitwasila luvuvamu yo unsongi ova nza?
O Yesu wa Ntinu a Kintinu kia Nzambi ofwasa wantu ambi yo tuyalu twa wantu muna vita ya Armangedo. (Lusengomono 16:14, 16) Muna kolo kiakina, o nsilu una muna Bibila uvovanga vo, “fioti kaka fisidi, yimpumbulu ke bekala diaka ko,” ulungana. (Nkunga 37:10) Yesu osadila Kintinu kia Nzambi mu twasa luvuvamu yo unsongi muna fulu yawonso ova ntoto.—Tanga Yesaya 11:4.
2. Aweyi e zingu kikala vava luzolo lwa Nzambi luvangama ova ntoto?
Muna Kintinu kia Nzambi “ansongi bevua nza, bezingila vo yakwele mvu.” (Nkunga 37:29) Yindula una ukala e zingu ova nza vava wantu awonso bekala akwa unsongi, ana bezolananga yo zola Yave! Ke vekala muntu ko oyela, o wantu awonso bezinga yakwele mvu.
3. Kintinu kia Nzambi nkia mambu kivanga vava wantu ambi befwaswa?
Vava kefwasa wantu ambi, Yesu oyala se Ntinu mu 1.000 dia mvu. Muna kolo kiokio, oyandi ye 144.000 ana beyala yandi, besadisa wantu ova ntoto mu kituka se wantu alunga. Kuna mfoko a kolo kia 1.000 dia mvu, o ntoto wawonso ukituka se paradiso. O wantu awonso bekala ye kiese, kadi belemvokela nsiku mia Yave. I bosi, Yesu ovutula Kintinu kwa Yave wa se diandi. E ‘nkumbu a Yave izitiswa’ emvimba. (Matai 6:9, 10) Tumona e ziku kisonga vo Yave nyadi ambote, ona olunga-lunganga o nkangu andi. Kuna mfoko, o Yave ofwasa Satana, nkuya miandi ye awana bekolamena luyalu lwandi. (Lusengomono 20:7-10) E Kintinu kia Nzambi kitwasa nsambu zizingila yakwele mvu.
ZAYA DIAKA MANKAKA
Zaya e kuma tulenda kadila ye vuvu vo Nzambi osadila Kintinu kiandi mu lungisa e nsilu mina muna Bibila mu kuma kia zingu kieto kia kusentu.
4. Kintinu kia Nzambi kifokola tuyalu twa wantu
Bibila kivovanga vo: ‘O muntu oyalanga nkwandi muna kumwesa e mpasi.’ (Kimpovi 8:9) Muna kuma kiaki, Yave osadila Kintinu kiandi mu fokola o kondwa kwa unsongi.
Tanga Daniele 2:44 ye 2 Tesalonika 1:6-8, i bosi, vana mvutu za yuvu eyi:
O Yave yo mwan’andi Yesu, adieyi bevanga kwa tuyalu twa wantu ye awana beyikamanga tuyalu twatu?
Landila mana olongokele kala mu kuma kia Yave yo Yesu, nga obenze vo dina bevanga diansongi?
5. Yesu i Ntinu ambote
Wau vo Yesu i Ntinu a Kintinu kia Nzambi, osadisa wantu ova ntoto mu mpila zayingi. Tala e VIDEO mu zaya una Yesu kasongela vo una ye luzolo lwasadisa wantu ye Nzambi wamvana o nkuma mu vanga wo.
Mana Yesu kavanga vava kakala ova ntoto, mesonganga mana mevangama muna Kintinu kia Nzambi. Muna nsambu ziyikilu muna lukaya lulende, nkia nsambu ozolele tambula? Tanga e sono iyikilu mu zaya mayingi mu kuma kia nsambu zazi.
E KOLO KAKALA OVA NTOTO, YESU . . . |
TUKA KUNA ZULU, YESU OSINGA . . . |
|---|---|
|
|
|
|
|
|
|
|
6. Kintinu kia Nzambi kitwasa zingu kiambote
Kintinu kia Nzambi kilungisa e kani Yave kakala diau kuna lubantiku mu kuma kia wantu. O wantu bezinga yakwele mvu muna paradiso ova ntoto. Tala e VIDEO mu zaya una Yave kesadilanga mwan’andi Yesu mu lungisa e kani diandi.
Tanga Nkunga 145:16, i bosi, vana e mvutu za kiuvu eki:
Aweyi omwene wau obakwidi vo Yave osinga “lungisa e zolela ya awonso bena o moyo”?
AVO MUNTU UVOVESE VO: “O luyalu lwambote lwa wantu lulenda fokola e mpasi zeto.”
Nkia mambu mefokoka muna Kintinu kia Nzambi mana tuyalu twa wantu ke belendanga fokola ko?
MAMBU MASINA MA LONGI DIADI
Kintinu kia Nzambi kilungisa luzolo lwa Nzambi. Kikitula o ntoto wawonso se paradiso yazala yo wantu akiese ana besambila Yave yakwele mvu.
Nkia Mambu Olongokele?
Aweyi Kintinu kia Nzambi kivelelesela e nkumbu a Yave?
Ekuma tunina ye ziku vo Kintinu kia Nzambi kilungisa e nsilu mina muna Bibila?
Muna nsambu zawonso Kintinu kia Nzambi kitwasa, nkia nsambu ozolele tambula?
TALA MPE OMA MALENDE
Tala e nsas’a mvovo Armangedo.
Tala mambu mevangama muna luyalu lwa Yesu lwa 1.000 dia mvu ye kuna mfoko a luyalu lwalu.
“Adieyi Dibwa Muna Lumbu kia Lufundisu?” (Eyingidilu dia 1 dia okutoba, 2012)
Tala una esi nzo balenda yindulwila e nsambu Kintinu zitwasa.
Muna lusansu “Muitas Perguntas me Pertubavam,” tala una muntu mosi watelamenanga luyalu kabakila e mvutu za yuvu yandi.
“A Bíblia Muda a Vida das Pessoas” (Eyingidilu dia 1 dia Yanuali, 2012)