LONGI DIA 25
Adieyi i Kani dia Nzambi mu Kuma Kieto?
Bibila kivovanga vo e zingu kia wantu ‘kiankufi ye kiazala ye ntokani.’ (Yobi 14:1) Nga ekiaki i mpila zingu o Nzambi kazolele vo twakala kiau? Avo ve, adieyi i kani dia Nzambi mu kuma kieto? Nga e kani diadi disinga lungana? Bibila kivananga mvutu za lufiaulwisu mu yuvu yayi.
1. Nkia mpila zingu Yave kazolele vo twakala kiau?
Yave ozolele vo twakala ye zingu kiambote. Vava kavanga wantu antete, Adami yo Eva, wabasia muna paradiso yambote, i sia vo, mpatu ya Edene. I bosi, Nzambi wabasambula, wabavovesa vo: “Nuwutana yo wokela, nuzadisa o ntoto yo yala wo.” (Tuku 1:28) Yave wazola vo bawuta wana, bakitula o ntoto se paradiso yo lunga-lunga e bulu. Wazola vo wantu awonso bakala ye vimpi walunga yo zinga yakwele mvu.
Kanele vo e mambu ke mavangamena una kakana ko,a e kani dia Nzambi ke diasoba ko. (Yesaya 46:10, 11) Yamu wau, Yave ozolele vo awana bekunlemvokelanga bazinga yakwele mvu.—Tanga Lusengomono 21:3, 4.
2. Aweyi tulenda kadila ye zingu kiakiese tuka owau?
Nzambi watuvanga ye nsatu za ‘mambu ma mwanda,’ i sia vo, luzolo lwa zaya Nzambi yo kunsambila. (Tanga Matai 5:3-6.) Ozolele vo twakala ye ngwizani ambote yo yandi, ‘diatila muna nzila zandi zawonso, kunzola’ yo kunsadila yo ‘ntim’eto wawonso.’ (Nsiku 10:12; Nkunga 25:14) Avo tuvangidi wo, tukala ye kiese kiakieleka kana nkutu vava tukalanga mu mpasi. Vava tusambilanga Yave yo zingilanga e ngwizani yo luzolo lwandi, tumonanga vo e zingu kieto mfunu kikilu kina.
ZAYA DIAKA MANKAKA
Zaya zola kwampwena Yave kasonga vava kakubika ntoto mu kuma kieto ye mana Bibila kilonganga mu kuma kia kani dia zingu.
3. Yave ozolele vo wantu bakala ye zingu kiambote
Tala e VIDEO, i bosi, vana e mvutu za kiuvu kilende.
Ekuma Nzambi kasemena o ntoto?
Tanga Kimpovi 3:11, i bosi, vana e mvutu za kiuvu eki:
E sono kiaki adieyi kilongele mu kuma kia kani dia Yave mu kuma kieto?
4. E kani dia Yave ke diasoba ko
Tanga Nkunga 37:11, 29 ye Yesaya 55:11, i bosi, vana e mvutu za kiuvu eki:
Aweyi tuzayidi wo vo e kani dia Yave mu kuma kieto ke diasoba ko?
E nzo yafwasuka, ilenda vangululwa. Diau dimosi mpe, wantu befwasanga o ntoto, kansi Nzambi ovangulula wo muna wete dia awana bekunzolanga.
5. Osambila Yave dikitulanga e zingu kieto se kiamfunu
Ozaya e kani dia zingu dilenda kututwasila kiese. Tala e VIDEO, i bosi, vana e mvutu za kiuvu kilende.
Nkia nluta Terumi kabaka wau kabakula e kani dia zingu?
Tanga Kimpovi 12:13, i bosi, vana e mvutu za kiuvu eki:
Wau vo Yave ovanganga mayingi muna wete dieto, aweyi tulenda songela vo tukumvutulanga matondo?
AVO MUNTU UYUVUIDI VO: “Ekuma tunina o moyo?”
Nkia mvutu okumvana?
MAMBU MASINA MA LONGI DIADI
Yave ozolele vo twazinga ye kiese yakwele mvu ova ntoto. Vava tukunsambilanga ye nsi a ntima wawonso, e zingu kieto kikalanga ye nsasa kana nkutu owau.
Nkia Mambu Olongokele?
Adieyi Yave kakana mu kuma kia Adami yo Eva kuna lubantiku?
Aweyi tuzayidi wo vo e kani dia Nzambi mu kuma kia wantu ke diasoba ko?
Aweyi zingu kiaku kilenda kadila kiamfunu?
TALA MPE OMA MALENDE
Tala e ziku kisonganga vo e mpatu ya Edene yakala kieleka ova ntoto.
“Existiu Realmente um Jardim do Éden?” (Eyingidilu dia 1 dia Yanuali, 2011)
Zaya e kuma tulenda kadila ye ziku vo ntoto ukwamanana kala yakwele mvu.
Zaya dina Bibila kivovanga mu kuma kia nsas’a zingu.
Tala muntu mosi wayindulanga vo wakala ye lekwa yawonso, kansi wayiza bakula vo vakala ye diambu diakondwanga muna zingu kiandi.
a Muna longi dilanda, ozaya kana nkia diambu diambi diavangama.