11 Ekifo Yakuwa Katonda wammwe ky’anaalonda erinnya lye okubeeramu+ gye munaatwalanga ebyo byonna bye mbalagira: ebiweebwayo byammwe ebyokebwa, ne ssaddaaka zammwe, n’ekimu kyammwe eky’ekkumi,+ ne bye muwaayo okuva mu mukono gwammwe, na buli kiweebwayo kye muneeyamanga okuwaayo eri Yakuwa.

22 Awo Dawudi n’agamba nti: “Wano we wanaabeera ennyumba ya Yakuwa Katonda ow’amazima, era wano we wanaabeera ekyoto kya Isirayiri eky’ebiweebwayo ebyokebwa.”+

8 Asa olwawulira ebigambo ebyo n’obunnabbi bwa nnabbi Odedi, n’afuna obuvumu n’aggyawo ebifaananyi ebyenyinyaza ebyali mu nsi yonna eya Yuda+ ne Benyamini ne mu bibuga bye yali awambye mu kitundu kya Efulayimu eky’ensozi, era n’azzaawo ekyoto kya Yakuwa ekyali mu maaso g’ekisasi ky’ennyumba ya Yakuwa.+ 9 N’akuŋŋaanya Yuda yonna ne Benyamini n’abagwira bonna abaali mu bo abaava mu Efulayimu ne Manase ne Simiyoni,+ kubanga bangi nnyo baali bavudde mu Isirayiri ne bamwegattako, bwe baalaba nga Yakuwa Katonda we ali naye.

10 Ababaka* ne bagenda mu buli kibuga mu nsi yonna eya Efulayimu ne mu Manase+ ne mu Zebbulooni; naye abantu ne babasekerera era ne babajerega.+ 11 Kyokka abantu abamu okuva mu Aseri, ne mu Manase, ne mu Zebbulooni beetoowaza ne bajja e Yerusaalemi.+