• Isaaya 60:21, 22
    Bayibuli Enkyusa ey’Ensi Empya

    • 21 Abantu bo bonna baliba batuukirivu;

      Ensi eno eriba yaabwe emirembe n’emirembe.

      Abo ze ndokwa ze nnasimba,

      Gwe mulimu gw’emikono gyange,+ nsobole okulungiyizibwa.+

      22 Omutono alifuuka lukumi,

      Era oyo anyoomebwa alifuuka ggwanga ery’amaanyi.

      Nze Yakuwa ndikyanguyaako mu kiseera kyakyo.”

  • Yeremiya 30:18, 19
    Bayibuli Enkyusa ey’Ensi Empya

    • 18 Bw’ati Yakuwa bw’agamba:

      “Laba ŋŋenda kukuŋŋaanya ab’omu weema za Yakobo abaawambibwa,+

      Era nja kusaasira weema ze.

      Ekibuga kijja kuddamu kizimbibwe ku kasozi kaakyo,+

      Era olubiri lujja kubeera mu kifo kyalwo ekituufu.

      19 Mu byo mujja kuwulirwamu amaloboozi g’abantu abaseka n’abeebaza.+

      Nja kubaaza, era tebajja kuba batono;+

      Nja kubafuula bangi,*

      Era omuwendo gwabwe tegujja kuba mutono.+