Baligenda mu Sayuuni nga boogerera waggulu n’essanyu,+

Era essanyu eritaggwaawo liribeera ng’engule ku mitwe gyabwe.*+

Balijaguza era ne basanyuka;

Ennaku n’okusinda biriggweerawo ddala.+

11 Kubanga Yakuwa ajja kununula Yakobo+

Amuggye mu mukono gw’oyo amusinga amaanyi.+

12 Bajja kujja boogerere waggulu n’essanyu ku ntikko ya Sayuuni+

Era basanyuke olw’obulungi bwa Yakuwa,*

Olw’emmere ey’empeke n’omwenge omusu+ n’amafuta,

N’olw’abaana b’endiga n’ente.+

Bajja kuba ng’ennimiro efukirirwa obulungi,+

Era tebajja kuddamu kubonaabona.”+