13 Yakuwa yalabulanga Isirayiri ne Yuda ng’ayitira mu bannabbi be bonna ne mu abo bonna abaategeezanga abantu okwolesebwa okwavanga gy’ali,+ ng’agamba nti: “Muleke amakubo gammwe amabi!+ Mukwate amateeka gange n’ebiragiro byange byonna ebiwandiikiddwa mu mateeka ge nnawa bajjajjammwe era ge nnabawa nga mpitira mu baweereza bange bannabbi.” 14 Naye tebaawuliriza, era baasigala bakakanyavu nga* bajjajjaabwe abataalaga kukkiriza mu Yakuwa Katonda waabwe.+

15 Yakuwa Katonda wa bajjajjaabwe yabalabulanga ng’ayitira mu babaka be, yabalabula enfunda n’enfunda, kubanga yali asaasira abantu be n’ekifo kye ky’abeeramu. 16 Naye baajereganga ababaka ba Katonda ow’amazima+ ne banyooma ebigambo bye+ era ne basekerera ne bannabbi be,+ okutuusa obusungu bwa Yakuwa lwe bwabuubuukira abantu be,+ okutuusa lwe kyali nti waali tewakyali ssuubi lyonna lya kubawonya.

52 Nnabbi ki bajjajjammwe gwe bataayigganya?+ Batta abo abaalangirira edda okujja kw’omutuukirivu,+ mmwe gwe mwalyamu olukwe era gwe mwatta,+

36 Abalala baagezesebwa nga basekererwa, nga bakubibwa, n’ekisinga ebyo, nga basibibwa enjegere,+ era nga bateekebwa mu kkomera.+ 37 Baakubibwa amayinja,+ baagezesebwa, baasalibwamu n’emisumeeno, battibwa n’ekitala,+ baatambulanga nga bambadde amaliba g’endiga, ag’embuzi,+ nga bali mu bwetaavu, nga babonaabona,+ era nga bayisibwa bubi;+