Loyembo 81

Botɔndi mpo na motema molai ya Nzambe

(2 Petelo 3:15)

1. Yehova, Nzambe na nguya,

Y’osali nyonso bonzengá.

Biloko’ango mpe bizali

Kopesa nde litatoli.

Yango esengo monene

Epai na bayengebene.

Na nsai, bakotondana

Na mokolo na yo, o Yah.

2. Nzambe na semb’okokaki

Kosukisa mabe, kasi

Y’opekisi nkanda na yo,

’Te biso tózwa lobiko.

Solo tokokumisa yo,

Yoká malɔmbo na biso.

Tokozela ’te tóbika

Na mokolo na yo, o Yah.

3. Tólakisa bazalani

Mpo báyeba Mozalisi.

Ye motema molai mpo

Alingi tózwa lobiko.

Tósakola nsango oyo;

Yango maloba ya solo.

Ete banso tósepela

Na mokolo na yo, o Yah.