Loyembo 23
Yehova azali makasi na biso
Ya Papye
1. Yehova yo nde nguya na biso;
Yo lobiko, tokosanzola yo.
Tosakweli bato nsango na yo,
Ata baboyi koyoka yango.
(MONDIMO)
Yehova, yo nde nguya na biso.
Toz’osakola nkombo na yo.
Oleki na nguya mpe na nkembo,
Yo ebombamelo; mp’ekimelo.
2. Tosepeli mpo na pole na yo;
Solo na Yah engɛngisi biso.
Toyebi yo na nzel’a Liloba;
Na ngámbo’a Bokonzi biso toza’.
(MONDIMO)
Yehova, yo nde nguya na biso.
Toz’osakola nkombo na yo.
Oleki na nguya mpe na nkembo,
Yo ebombamelo; mp’ekimelo.
3. Tokosalela yo na esengo;
Ata Satan’abundisi biso!
Sungá biso mpo tótɛlɛma ngwi,
Tókangama mpenza na Bokonzi.
(MONDIMO)
Yehova, yo nde nguya na biso.
Toz’osakola nkombo na yo.
Oleki na nguya mpe na nkembo,
Yo ebombamelo; mp’ekimelo.
(Talá mpe 2 Sa. 22:3; Nz. 18:2; Yis. 43:12.)