Masolo ya basakoli ya Bokonzi

Longwa na konyokwama na makanisi kino bolamu

JÉHOVAH azali Nzambe na esengo. (1 Timote 1:11) Alingi ete basaleli na ye bazala mpe na esengo. Yango wana, soki moko na bango azali konyokwama na makanisi, azali pene na kosalisa ye mpo akoka koyikela mikakatano na ye mpiko, mpe mbala mosusu akoki komiyoka lisusu malamu. Ezali yango nde emonisami na likambo oyo esalemaki na mokili ya Uruguay.

Moklisto moko ya mwasi azalaki kozela eyano ya baekzamé ya radiographie na klinike ya Montevideo. Mwasi moko oyo afandaki pembeni na ye azalaki kobanga mingi mpo na oyo monganga na ye akomona nsima na ekzamɛ oyo asalaki. Moklisto oyo ya mwasi ayebisaki ye ete uta akóma Témoin de Jéhovah azali kobanga eloko moko te. Kasi, mwasi yango ayebisaki ye ete asepelaka na Batemwe te mpamba te bazali kokumisa mingi botosi boleki ndelo na mitinda ya bizaleli malamu.

Na yango, moklisto oyo ya mwasi abandaki koyebisa ye ndenge nini boyebi na solo ya Biblia esalisaki ye. Mwana na ye ya mwasi ya mibu 18 akufaki mpe ye anyokwamaki mingi na makanisi na boumeli ya mbula mwambe. Ezala ba psychiaires (minganga oyo basalisaka bokono ya motó) ezala bankisi oyo ezali na ntalo mingi esalisaki ye kolonga konyokwama na makanisi yango te. Alobaki ete, mbala mingi akotaki na lopitalo. kasi kolongono na ye ya nzoto ebongaki te. Ezali bana ya mosala nde bazalaki kosala misala nyonso ya ndako, mpamba te akokaki kosala eloko te. Akanaki komiboma mpo ete azalaki na mposa ya kozala na bomoi lisusu te. Eloko ata moko esalisaki ye te.

Abakisaki ete, na nsima, mokolo moko, ba Témoins de Jéhovah balekaki epai na ye mpe batikelaki ye mokanda mozali kolimbola Biblia. Mokanda yango elamwisaki mposa na ye na Liloba na Nzambe. mpe abandaki kotanga Biblia mobimba. Eloko moko ebandaki kobongwana epai na ye. Alamukaki lisusu na ntongo mpe abandaki kosepela na ndako na ye. Na nsuka azwaki likatami ya kosala ye moko misala ya ndako, mpe akokaki yango. Ezalaki lokola soko nde abela naino maladi te. Likambo yango esepelisaki ye mingi.

Azongaki lisusu kotala psychiatre te. Mposa na ye ya kozala na bomoi eyaki na nzela ya boyebi na Liloba na Nzambe, mpe likambo yango emonanaki ete ezali nkisi malamu koleka. Alukaki lisusu ba Témoins de Jéhovah, mpe babandaki boyekoli ya Biblia elongo na ye. Abandaki mpe koyangana na makita, mpe nsima moke azwaki batisimo. Azali lisusu konyokwama na makanisi te, mpe azali sikawa kozwa esengo na kosalela Jéhovah.

Mwasi oyo ayokaki ye na likebi kati na salle ya bozeli monganga, alobaki na ye ete: “Uta mwa ntango, ekomaka ete nakutana na ba Témoins de Jehovah. Kasi soko mokolo mosusu nakókoma ngai moko Témoin de Jéhovah. ekozala mpo na oyo outi koloba na ngai. Omoni, ezali lokola moto abandi komona pole kati na esika ya molili tuu.” Bato mingi bazali koyeba ete ezali mpamba komeka kosilisa bango moko mikakatano na bango, mpe na bongo bazali kobaluka epai na Jéhovah Nzambe. Ezali esengo mingi epai na bango na koyeba ete mosika te Nzambe akosala mokili ya sika epai kuna moto nyonso akozala na esengo, mpe epai kuna konyokwama na makanisi ekozala lisusu te.​—Masese 16:20.