• Ñimbo ya Mitōto 52:binenwa bya Kūlu-9
    Bisonekwa Bijila—Bwalamuni bwa Ntanda Mipya

    • Kudi mukulu wa bañomba. Mashikile.* Lwimbo lwa Davida, paile Doeke mwine Edoma wasapwila Solo amba Davida waile ku njibo ya Ahimeleke.+

      52 Mwanda waka witumbijija bilongwa byobe bibi, a mukomokomo?+

      Buswe bwa ndamatyidile bwa Leza bulādilanga difuku dyonso dituntulu.+

       2 Ludimi lobe, lwa bui pamo bwa bwembe,+

      Lukutanga nkuku mibi ne kulonga bya kyongo.+

       3 Abe usenswe bibi kutabuka biyampe,

      Bubela kutabuka’ko kwisamba byoloke. (Sela)

       4 Usenswe binenwa byonso bisansa,

      Abe ludimi lwa kyongo!

       5 O mwanda mwine Leza ukakonakanya dimo kupwididile;+

      Ukakutekuna ne kukukokela panja pa pema obe;+

      Ukakujula mu ntanda ya bōmi.+ (Sela)

       6 Boloke bakemwenanga ne kukwatwa nzuba,+

      Kadi bakamusepa.+

       7 “Uno’u ye muntu katūdilepo Leza bu kinyemeno kyandi,*+

      Ino wadi ukulupile bupeta bwandi bukatampe+

      Kadi wadi wisumbidile* bitumba byandi bibi.”*

       8 Ino ami nkekalanga pamo bwa umpafu muvwambile mu njibo ya Leza;

      Lukulupilo lwami ludi mu buswe bwa ndamatyidile bwa Leza,+ nyeke ne nyekeke.

       9 Nkakutendelanga nyeke mwanda abe ubalonga’po kintu;+

      Mu meso a bantu bobe ba lulamato,

      Nkakulupilanga mu dijina dyobe,+ mwanda i biyampe.