• Ñimbo ya Mitōto 54:binenwa bya Kūlu-7
    Bisonekwa Bijila—Bwalamuni bwa Ntanda Mipya

    • Kudi mukulu wa bañomba; lwa kwimba pamo na byombanwa bya myonji. Mashikile.* Lwimbo lwa Davida, kitatyi kyaile bene Zife basapwila Solo amba: “Davida ufyeme mu bukata mwetu.”+

      54 A Leza, mpandije pa dijina dyobe,+

      Kadi ndwile* na bukomo bobe.+

       2 A Leza, ivwana milombelo yami;+

      Tá mutyima ku binenwa bya kyakanwa kyami.

       3 Mwanda beni abauntombokela,

      Bantu bampikwa kafuku bakimbanga būmi bwami.*+

      Kebalēmekelepo Leza.*+ (Sela)

       4 Tala! Leza i mukwashi wami;+

      Yehova udi na boba bankwasha ami.*

       5 Aye ukalubwila boba banshikilwe+ bibi byabo;

      Mu bubinebine bobe, wibafudije.*+

       6 Nkakutapilanga bitapwa+ na mutyima tō.

      Nkatendelanga dijina dyobe, abe Yehova, mwanda i biyampe.+

       7 Mwanda aye umpandijanga mu tusua tonso,+

      Nami nkamonanga kupona kwa balwana nami.+