• Ñimbo ya Mitōto 53:binenwa bya Kūlu-6
    Bisonekwa Bijila—Bwalamuni bwa Ntanda Mipya

    • Kudi mukulu wa bañomba; mwimbilo wa Mahalate.* Mashikile.* Lwimbo lwa Davida.

      53 Mulembakane* unena mu mutyima wandi amba:

      “Yehova kadi’kopo.”+

      Bilongwa byabo bya bukondame i byoneke kadi bya munyanji;

      I kutupu ulonga biyampe.+

       2 Ino Leza utalanga pa bana ba bantu aye momwa mūlu+

      Amone shi kudi muntu udi na bujinguludi, shi kudi muntu ukimba Yehova.+

       3 Abo bonso abasāsuka;

      Abo bonso i boneke muswelo umo.

      I kutupu ulonga biyampe,

      Nansha umo mwine.+

       4 Le banonga-bibi bonso kebevwanijepo’ni?

      Basasamunanga bantu bami pamo bwa abo badya mukate.

      Kebabijangapo Yehova.+

       5 Ino abo bakayulwa luzakalo lukatampe,

      Luzakalo lokebaivwene kashā,*

      Mwanda Leza ukapalakanya mikupa ya boba bakutamba.*

      Nobe ukebafwija bumvu, mwanda Yehova webela.

       6 Nanshi lupandilo lwa Isalela lutambe ku Ziona!+

      Pasa kujokeja Yehova bantu bandi misungi,

      Yakoba asangale, Isalela asepelele.

  • Bene Loma 3:10-12
    Bisonekwa Bijila—Bwalamuni bwa Ntanda Mipya

    • 10 monka mokilembelwe amba: “I kutupu muntu moloke, nansha umo mwine;+ 11 i kutupu nansha umo udi na bujinguludi; i kutupu nansha umo ukimbanga Leza. 12 Bantu bonso abasāsuka, abo bonso abaikala ba bitupu; i kutupu nansha umo ulombola kanye, nansha umo mwine.”+