27 Kadi, watekuna kitomeno nakyo, wafwija’ko, webapa’kyo, kanena’mba: “Tomai’mo, banwe bonso,+ 28 mwanda kino kyelekeja ami ‘mashi+ a kipwano,’+ asa kumwangwa pa mwanda wa bavule,+ mwanda wa kulekelwa bubi.+

20 Kadi walonga’nka nabya ne na kitomeno abo pa kupwa kudya bidibwa bya kyolwa, wanena’mba: “Kino kitomeno kyelekeja kipwano kipya+ kya pa mashi ami,+ asa kumwangwa pa mwanda wenu.+

25 Ne kitomeno+ nakyo monka na monka, abo pa kupwa kudya bidibwa bya kyolwa, wanena’mba: “Kino kitomeno kyelekeja kipwano kipya+ kya pa mashi ami.+ Longai nyeke namino, kyaba kyonso kyomutoma’kyo, ke pa kumvulukila.”+

8 Mwanda aye uboyanga bantu tuto panena’mba: “‘Tala! Mafuku āyanga,’ i Yehova* unena, ‘onkasamba kipwano kipya na njibo ya Isalela ne na njibo ya Yuda. 9 Kekikekalapo pamo bwa kipwano kyonasambile na bakulutuba babo mu difuku dyonebakwete ku kuboko nebatambija mu ntanda ya Edipito,+ byokebashelepo nyeke mu kipwano kyami, nami naleka kwibata mutyima,’ i Yehova* unena.

10 “‘Mwanda kino’ki i kipwano kyonkasamba na njibo ya Isalela pakapwa oa mafuku,’ i Yehova* unena. ‘Nkatūla bijila byami mu ñeni yabo, kadi nkalemba’byo mu mityima yabo.+ Ami nkekalanga Leza wabo, nabo bakekalanga bantu bami.+

11 “‘Kadi kebakefundijapo monka, au ufundija mukwabo, au nandi ufundija mwanabo, amba: “Yuka Yehova!”* Mwanda bonso bakandyuka, kushilwila ku mutyetye bininge kutūla ne ku mukatampe bininge mobadi. 12 Mwanda ami nkebafwila lusa pa bilongwa byabo bikondame, kadi nkikavulukapo monka bubi bwabo.’”+