24 Ino tala! Kimpumpu kikatampe kyatetuka pa dijiba, ne mantanki keasake kuyuja bwato; ino aye wadi ulēle tulo.+ 25 Nabo baiya kwadi kebamulangula’mba: “A Mfumwetu, witupandije, tubafu!” 26 Ino aye kaebanena’mba: “I kika le kyomwakwatyilwa moyo* namino banwe ba lwitabijo lutyetye?”+ Penepo walanguka, wafunina bivula ne dijiba, ebiya kwatalala’tu nyā.+ 27 Ponkapo bana-balume’ba batendela kebanena’mba: “Le uno i muntu wa muswelo’ka? Enka ne bivula ne dijiba dine bimukōkela.”

23 Ino pobadi bakyenda, aye walāla. Ebiya kivula kikatampe kyatetuka pa dijiba, kadi bwato bwabo bwashilula kuyula mema, baikala mu kyaka.+ 24 Penepo baenda kebamulangula’mba: “A Mufundiji, Mufundiji, tubafu!” Ponkapo walanguka, wafunina kivula ne mabimbi adi atūta, nabyo byatūka, penepo kwatalala’tu nyā.+ 25 Kupwa webanena’mba: “Le lwitabijo lwenu ludi kwepi?” Ino abo bakwatwa moyo bininge, batulumuka kebanena abo bene na bene amba: “Le bine uno’u i ani? Mwanda usoñanya’nka ne bivula ne mema, nabyo byamukōkela.”+