15 Petelo watentulula’mba: “Witushintulwilepo bidi kino kyelekejo.” 16 Penepo nandi wanena’mba: “Ne banwe nenu kemwaikele na ñeni ne pano?+ 17 Le kemujingulwilepo amba kintu kyonso kitwela mu kyakanwa kipitanga mu kifu kupwa kyakelwa ku musalani? 18 Inoko, byonso bilupukanga mu kyakanwa bitambanga ku mutyima, kadi bino bintu byo bisubijanga muntu.+ 19 Kimfwa, ku mutyima kutambanga milangwe mibi:+ butapani, makoji, busekese,* bwivi, bukamoni bwa bubela, ne mutonko. 20 Bino byo bintu bisubijanga muntu; ino kudya byakudya pampikwa koya ku makasa* kekusubijangapo muntu.”