24 Kadi myanda yandi yasambakene mu Shidea monso, penepo bamuletela bonso badi basusuka na misongo ne masusu palapala,+ boba badi bakwatwe na bandemona+ ne ba bijilangoa+ ne ba bulebe, nandi webakomeja. 25 Penepa bibumbo bikatampe bitamba ku Ngadilea ne ku Dekapodi* ne ku Yelusalema ne ku Yudea ne bobwa bukila bwa Yodano byamulonda.

7 Ino Yesu waenda ku dijiba na bandi bana ba bwanga, penepo kibumbo kikatampe kitamba ku Ngadilea ne ku Yudea kyamulonda.+ 8 Enka ne ba ku Yelusalema, ne ba ku Idyumea, ne ba bobwa bukila bwa Yodano, ne ba ku mitamba ya Tyila ne Shidona, kibumbo kikatampe, baiya kwadi pobaivwene bintu bivulevule byaadi ulonga.

2 Kadi kibumbo kikatampe kyadi kimulonda’nka kumulonda,+ mwanda badi bamona biyukeno bya bingelengele byaadi ulonga pa kubelula babela.+