Yoano Umbajinji

1 Kyokya kyādi’ko tamba ku ngalwilo, kyotwaivwene, kyotwamwene na meso etu, kyotwabandile, ne makasa etu ekitenga, kitala kinenwa kya būmi,+ 2 (bine, būmi bwasokwelwe patōka, twamwene kadi twimusapwilanga bukamoni+ ne kwimulombola būmi bwa nyeke+ bwadi na Tata kadi bwetusokwedilwe patōka), 3 kyokya kyotwamwene ne kwivwana twimulombolanga’kyo nenu,+ amba banwe nenu mwikale netu mu kipwano.* Ne kadi, kino kipwano kyetu kidi na Tata ne na wandi Mwana Yesu Kidishitu.+ 4 Kadi tubemulembela bino bintu amba nsangaji yetu ifike ne pa mfulo.

5 Musapu otwaivwene kwadi, mwine otwimusapwila i uno amba: Leza i kitōkeji+ kadi kekudipo fukutu nansha imo mwadi.* 6 Shi tunene amba, “Tudi nandi mu kipwano,” koku tukinangila mu fukutu, nankyo tubabepa bubela kadi nankyo ketulondangapo bubine.+ 7 Inoko, shi tunangilanga mu kitōkeji monka mwaikadile aye mwine mu kitōkeji, nabya tupwene batwe bene na bene, kadi mashi a Yesu wandi Mwana etutōkejanga ku bubi bonso.+

8 Shi tunene amba, “Ketudipo na bubi,” nabya twiongolanga batwe bene+ kadi bubine kebudipo motudi. 9 Shi twisapule bubi bwetu, aye i wa binebine kadi i moloke wa kwitulekela bubi bwetu ne kwitutōkeja ku bukondame bonso.+ 10 Shi tunene amba, “Ketulongelepo bubi,” nankyo tubamubepeja bubela, kadi kinenwa kyandi kekidipo motudi.