Yoshua

21 Ebiya mitwe ya mobo a bashandya bene Levi yafwena kitobo Eleaza,+ ne Yoshua mwanā Nuna, ne mitwe ya mobo a bashandya bisaka bya Isalela, 2 besamba nabo mu Shilo+ mu ntanda ya Kenani amba: “Yehova wasoñenye kupityila kudi Mosesa amba tupebwe bibundi bya kushikata’mo pamo ne madyo abyo a bimunanwa byetu.”+ 3 Penepa mungya musoñanya wa Yehova, bene Isalela bapa bene Levi bino bibundi+ ne madyo abyo mu bupyani bwabo.+

4 Bubale bwatambila mafu a bene Kohata,+ ebiya bene Levi badi ba ku lutundu lwa kitobo Alone bapebwa na bubale* bibundi 13 mu kisaka kya Yuda,+ ne mu kisaka kya Shimioni,+ ne mu kisaka kya Benjemani.+

5 Kadi bene Kohata bashele’ko, bapelwe* na bubale bibundi dikumi mu mafu a kisaka kya Efelaimi,+ ne kisaka kya Dani, ne kipindi kya kisaka kya Manase.+

6 Ebiya bene Ngelashona+ nabo bapelwe kwine’kwa bibundi 13 mu mafu a kisaka kya Isakala, ne kisaka kya Ashela, ne kisaka kya Nafatale ne kipindi kya kisaka kya Manase mu Bashane.+

7 Ino ku bene Meladi+ mungya mafu abo, kwadi bibundi 12 mu kisaka kya Lubeni, ne mu kisaka kya Ngade ne mu kisaka kya Zebuluna.+

8 Enka nenki bene Isalela bapa bene Levi bino bibundi ne madyo abyo na bubale, monka mwasoñaninye’kyo Yehova kupityila kudi Mosesa.+

9 Ebiya mu kisaka kya Yuda ne kisaka kya Shimioni, bapēne’mo bino bibundi bitelelwe majina’bi,+ 10 byapelwe bana ba Alone ba ku mafu a Kohata a bene Levi, mwanda bo baponenwe na bubale bubajinji. 11 Bebapele Kidiata-Alāba+ (Alāba wadi shandya Anaki), ko kunena’mba Hebelona,+ mu ntanda ya ngulu ya Yuda ne madyo andi amujokolokele. 12 Inoko ntanda ya kibundi ne bīkalo byakyo bapele’byo Kalebu mwanā Yefune ke byandi.+

13 Kadi bana ba Alone kitobo bebapa kibundi kya kunyemena’mo yewa wipaya muntu,+ ko kunena’mba Hebelona+ ne madyo andi, kadi ne Dibena+ ne madyo andi, 14 Yatilu+ ne madyo andi, Eshetemoa+ ne madyo andi, 15 Holone+ ne madyo andi, Debile+ ne madyo andi, 16 Aine+ ne madyo andi, Yuta+ ne madyo andi, ne Bete-Shemeshe ne madyo andi—bibundi kitema bya mu bino bisaka bibidi.

17 Mu kisaka kya Benjemani namo: Ngibeone+ ne madyo andi, Ngeba ne madyo andi,+ 18 Anatote+ ne madyo andi, ne Alemona ne madyo andi—bibundi biná.

19 Bibundi byonso byapelwe lutundu lwa Alone, babitobo, byadi bibundi 13 ne madyo abyo.+

20 Mafu ashele’ko a bene Kohata mu bukata mwa bene Levi apelwe na bubale bibundi mu kisaka kya Efelaimi. 21 Bebapele kibundi kya kunyemena’mo yewa wipaya muntu,+ ko kunena’mba Shekema+ ne madyo andi mu ntanda ya ngulu ya Efelaimi, Ngezele+ ne madyo andi, 22 Kibezaimi ne madyo andi, ne Bete-Holone+ ne madyo andi—bibundi biná.

23 Mu kisaka kya Dani namo: Eleteke ne madyo andi, Ngibetone ne madyo andi, 24 Aiyalone+ ne madyo andi, Ngate-Dimone ne madyo andi—bibundi biná.

25 Mu kipindi kya kisaka kya Manase namo: Tanake+ ne madyo andi ne Ngate-Dimone ne madyo andi—bibundi bibidi.

26 Bibundi byonso pamo ne madyo abyo byapelwe mafu makwabo a bene Kohata byadi dikumi.

27 Kadi bene Ngelashona+ ba mu mafu a bene Levi bapelwe mu kipindi kya kisaka kya Manase kibundi kya kunyemena’mo ntapañani, ko kunena’mba Ngolane+ mu Bashane ne madyo andi, ne Beeshetela ne madyo andi—bibundi bibidi.

28 Mu kisaka kya Isakala+ namo: Kishione ne madyo andi, Dabelate+ ne madyo andi, 29 Yalemute ne madyo andi, ne Ene-Nganime ne madyo andi—bibundi biná.

30 Mu kisaka kya Ashela+ namo: Mishale ne madyo andi, Abedone ne madyo andi, 31 Helakate+ ne madyo andi, ne Lehobe+ ne madyo andi—bibundi biná.

32 Mu kisaka kya Nafatale namo: kibundi kya kunyemena’mo+ ntapañani, ko kunena’mba Kedesha+ mu Ngadilea ne madyo andi, Hamota-Dole ne madyo andi, ne Kalatane ne madyo andi—bibundi bisatu.

33 Bibundi byonso bya bene Ngelashona mungya mafu abo byadi bibundi 13 ne madyo abyo.

34 Kadi mafu a bene Meladi,+ bene Levi bashele’ko, bapelwe mu kisaka kya Zebuluna:+ Yokeneame+ ne madyo andi, Kalata ne madyo andi, 35 Dimena ne madyo andi, ne Nahalale+ ne madyo andi—bibundi biná.

36 Mu kisaka kya Lubeni namo: Bezele+ ne madyo andi, Yahaza ne madyo andi,+ 37 Kedemote ne madyo andi, ne Mefate ne madyo andi—bibundi biná.

38 Mu kisaka kya Ngade namo:+ kibundi kya kunyemena’mo ntapañani, ko kunena’mba Lamote mu Ngileade+ ne madyo andi, Mahanaimi+ ne madyo andi, 39 Heshebone+ ne madyo andi, ne Yazele+ ne madyo andi—bibundi byonso i biná.

40 Bibundi byonso byapelwe bene Meladi mungya mafu abo, mafu a bene Levi ashele’ko, byadi bibundi 12.

41 Bibundi byonso bya bene Levi mu ntanda yakwete bene Isalela byadi bibundi 48 pamo ne madyo abyo.+ 42 Kibundi ne kibundi kyadi na madyo akyo kufulakufula kwakyo—momwadi mwikadile bino bibundi byonso.

43 Penepa Yehova wapa Isalela ntanda yonso yawatyipile kupa bakulutuba babo,+ bayata’yo ke yabo kadi bashikata monka.+ 44 Ne kadi Yehova webapa kukōkolokwa ku mitamba yonso, monka mwaatyipīle’kyo bakulutuba babo,+ kekwadipo walwana nabo nansha umo webakomene.+ Yehova wapēne balwana nabo bonso mu kuboko kwabo.+ 45 Kekudipo mulao* nansha umo wakankelwe kufikidila mu milao yonso miyampe yalaile Yehova njibo ya Isalela; yonso yafikidile.+