Ñimbo ya Mitōto

65 A Leza, mitendelo ikutengele mu Ziona;+

Tukafikidijanga mpiko yetu kodi.+

 3 Bilubo byami bibaundēmenena,+

Ino ubapūta kujilula kwami.+

 4 Wa nsangaji i yewa otonga ne kumufwenya kubwipi

Amba ekale mu bipango byobe.+

Tukekutanga buyampe bwa njibo yobe,+

Tempelo* yobe ijila.+

 5 Uketulondololanga na bilongwa bilenga nzuba+ bya boloke,

A Leza wa lupandilo lwetu;

Abe wi Lukulupilo lwa mafulo onso a ntanda+

Ne lwa boba badi kulampe bukila bwa dijiba.

 6 Abe* wakomeje pototo ngulu na bukomo bobe;

Abe* uvwele bukomokomo.+

 7 Abe* utalajanga majiba atūta,+

Lutūto lwa mantanki ao ne lupotopoto lwa mizo.+

 8 Bekadi ba bifuko bya kulampe bakakwatwa nzuba pa biyukeno byobe;+

Ukeleja bantu nsadi ya tusepo tamba kutambanga dyuba kutūla ne kuponanga dyuba.

 9 Utalanga ntanda,

Wiilengeja ipe bipa bingi* ne kwiipeteja bininge.+

Kamunonga katamba kudi Leza i kayule mema;

Wibapanga byakudya,+

Mwanda e mowalongolwedile ntanda.

10 Ubombejanga minkolankola yayo ne kudingakanya nshi yayo mityimpule;*

Unekenyanga’yo na minoko ya mvula; weselanga byobya bimena’po.+

11 Ubavwika mwaka kilukwa kya buyampe bobe;

Tushinda tobe tukukanga bungibungi.*+

12 Madyo a mu ntanda mutuputupu akuka’nka kukuka,*+

Kadi mikuna nayo ivwele nsangaji.+

13 Madyo i mayule luombe,

Kadi misanza* nayo i mipūtwe na miseke.+