Ñimbo ya Mitōto

44 A Leza, tubeivwanina na matwi etu,

Bakulutuba betu abetubangila,+

Bilongwa byowalongele mu abo mafuku,

Mu mafuku a kala kene.

 2 Na kuboko kobe wapangile mizo kulampe+

Watūla’mo bakulutuba betu.+

 3 Ke na kipetepo kyabo pobakwete ntanda’ya,+

Kadi kuboko kwabo kekwebaletēlepo bushindañani.+

Ino, i na dikasa dyobe dya lundyo ne kuboko kobe+ ne kitōkeji kya mpala yobe,

Mwanda webaloelelwe.+

 4 Abewa wi Mulopwe wami, a Leza;+

Soñaninya* Yakoba bushindañani ne pa mfulo.*

 5 Pa bukomo bobe batwe tukajokeja balwana netu;+

Mu dijina dyobe tukatyampa boba betutombokela.+

 6 Mwanda nkikulupilepo buta bwami bwa miketo,

Kadi kipete kyami kekibwanyapo kumpandija.+

 7 I abe wetupandije ku balwana netu,+

Wafwijije bumvu boba betushikilwe.

 8 Tukapānanga mitendelo kudi Leza dyuba dyonso,

Kadi tukafwijanga’ko dijina dyobe nyeke. (Sela)

 9 Ino pano ubetwela ne kwitufwija bumvu,

Kadi kutambangapo na bibumbo byetu bya divita.

10 Ukitujokeja’nka kwitujokeja ku meso a balwana netu;+

Boba betushikilwe bayata byonso byobasaka.

11 Ubetupāna betusasamune pamo bwa mikōko;

Ubetupalakenya mu mizo.+

12 Ubapoteja bantu bobe ku bitupu;+

Kumwenine’mopo kintu mu kwibapoteja.*

13 Ubetwalamuna ketudi bantu ba kutukibwa na balondakani netu,

Ketudi kintu kya kufutululwa ne kubengibwa na boba bonso betujokolokele.

14 Ubetwalamuna ketudi kintu kya kuzobejibwa* mu mizo,+

Kintu kya kupukilwa mitwe na bantu.

15 Ngivwene bumvu dyuba dyonso,

Kadi ne mulēmenenwe na bumvu bwami,

16 Pa mwanda wa diwi dya lonji lwabo ne mutonko,

Mwanda wa walwana netu ulubula kinongo.

17 Bino byonso’bi byetufikile, ino ketukwidilwepo,

Kadi ketujilwilepo kipwano kyobe.+

18 Mutyima wetu keusāsukilepo;

Matabula etu keatalukilepo mu kashinda kobe.

19 Ino abe ubetuvingakenya kokwa kwikalanga mizeu;

Ubetupūta mwemba mukatampe.

20 Shi tubailwa dijina dya Leza wetu

Shi kadi tubālanga makasa etu tulombela kudi leza ungi,

21 Lelo Leza kakasokola’kyopo?

22 Pa mwanda obe twipaibwanga dyuba dyonso;

Betumonanga pamo bwa mikōko ya kutapa.+

25 Mwanda batwe* tubatūkijibwa mu luvumbi;

Imbidi yetu ibatyintyidilwa pa nshi.+