Lwimbo lwa Davida.
103 Ntendele Yehova;
Byonso bidi munda mwami bitendele dijina dyandi dijila.
2 Ntendele Yehova;
Nkyakavulaminwa nansha dimo byonso byalongele.+
3 Aye ukulekelanga bilubo byobe byonso+
Kadi undapanga misongo yobe yonso;+
4 Ulombanga būmi bobe ku kīna+
Kadi ukuvwikanga kilukwa kya buswe bwandi bwa ndamatyidile ne lusa.+
5 Ukwikutyijanga bintu biyampe+ mu būmi bobe bonso,
Amba bunkasampe bobe bwalamunwe ke bupya pamo bwa mukebo.+
6 Yehova uloñanga bintu na boloke+ ne bululame
Pa mwanda wa boba bonso bamweshibwa malwa.+
7 Wayukenye mashinda andi kudi Mosesa,+
Bilongwa byandi ku bana ba Isalela.+
8 Yehova i wa lusa ne kanye,+
Wija pa kukwatwa bulobo kadi muyule buswe bwa ndamatyidile.+
9 Aye kakaboyapo mafuku onso tuto,+
Nansha kwikala na nsungu nyeke.+
10 Aye ketulongelepo mwendele bubi bwetu,+
Nansha kwitulubwila kyokya kifwaninwe bilubo byetu.+
11 Mwanda monka mwikadile madiulu peulu bininge kupita ntanda,
Mo mubaile ne buswe bwandi bwa ndamatyidile ku boba bamutyina.+
12 Monka mwikadile kutambanga dyuba kulampe na kuponanga dyuba,
Mo monka mwatūdilanga kujilula kwetu kulampe netu.+
13 Monka mwivwaninanga shabana bandi bana lusa,
Yehova wivwaninanga lusa boba bamutyina.+
14 Mwanda aye uyukile biyampe motubumbīlwe,+
Uvulukanga’mba twi luvumbi.+
15 Ino muntu wa kufwa, mafuku andi adi pamo bwa a biyombo;+
Utōyanga pamo bwa maluba a mu ntanda.+
16 Ino shi luvula lwapukuma, ajimina,
Pamo’nka bwa ao keadi’kopo.
17 Inoko buswe bwa ndamatyidile bwa Yehova i bwa nyeke ne nyekeke
Ku boba bamutyina,+
Ne boloke bwandi ku bana ba babo bana,+
18 Ku boba balama kipwano kyandi+
Ne boba bata mutyima ku kulama misoñanya yandi.
19 Yehova wakomeje pototo lupona lwandi mu madiulu;+
Kadi bulopwe bwandi bubikele pa bintu byonso.+
20 Tendelai Yehova, banwe bamwikeulu bandi bonso,+ bakomokomo mu bukomo,
Balonda kinenwa kyandi,+ bakōkela diwi dyandi.
21 Tendelai Yehova, byanwe bibumbo byandi byonso,+
Bengidi bandi balonga kiswa-mutyima kyandi.+
22 Tendelai Yehova, myanwe mingilo yandi yonso,
Mu bifuko monso mwabikele.
Ami ense ntendele Yehova.