Bilongwa bya Mafuku Umbajinji

9 Bene Isalela bonso balembelwe mungya misuku yabo, balembelwe mu Mukanda wa Balopwe ba Isalela. Kadi Yuda waselelwe mu Babiloni bu misungi pa mwanda wa kubulwa kikōkeji kwandi.+ 2 Bekadi babajinji bajokēle mu bifuko byabo mu bibundi byabo i bene Isalela bamo, babitobo, bene Levi, ne bengidi ba ku tempelo.*+ 3 Kadi bantu bamo ba ku lutundu lwa Yuda,+ lwa Benjemani,+ lwa Efelaimi, ne lwa Manase bashikete mu Yelusalema: 4 Utai mwanā Amihuda mwanā Omidi mwanā Imidi mwanā Bani, wa ku lutundu lwa Peleze+ mwanā Yuda. 5 Ku bene Shilona nako, Asaya mwanā umbedi ne bandi bana. 6 Kadi ku bana ba Zela+ nako, Yeuele ne banababo 690.

7 Kadi ku lutundu lwa Benjemani, Sālu mwanā Meshulama mwanā Hodavia mwanā Hasenua, 8 Ibeneia mwanā Yelohama, Elā mwanā Uzi mwanā Mikidi, ne Meshulama mwanā Shefatia mwanā Leuele mwanā Ibeniya. 9 Kadi banababo mungya ntundu yabo badi 956. Bano bana-balume bonso yadi mitwe ya mobo a bashabo.*

10 Kadi ku babitobo, kwadi Yedaia, Yehoyadibi, Yakine,+ 11 Azadia mwanā Hilekia mwanā Meshulama mwanā Zadoki mwanā Melayote mwanā Ahitube, mutangidiji wa njibo* ya Leza wa bine, 12 Adaya mwanā Yelohama mwanā Pashula mwanā Malekiya, Masai mwanā Adyele mwanā Yahazela mwanā Meshulama mwanā Meshilemite mwanā Imele, 13 ne banababo, mitwe ya mobo a bashabo, bana-balume bakomokomo 1 760, bankanka, belongolole kwingila mingilo ya ku njibo ya Leza wa bine.

14 Kadi ku bene Levi, kwadi Shemaia+ mwanā Hashubu mwanā Azadikama mwanā Hashabia wa ku lutundu lwa Meladi; 15 ne Bakebakale, Heleshe, Ngalale, Matania mwanā Mīka mwanā Zikidi mwanā Asafa, 16 Obadia mwanā Shemaia mwanā Ngalale mwanā Yedutuna, ne Belekia mwanā Asa mwanā Elekana, wadi ushikata mu bīkalo bya bene Netofa.+

17 Batulama ba ku kibelo+ i Shalumu, Akuba, Talamone, Ahimana, ne mwanabo Shalumu, ke mutwe kadi, 18 kufika ne kine kitatyi’kya wadi ku kibelo kya mulopwe kutunduka.+ Bano bo batulama ba ku kibelo ba mankambi a bene Levi. 19 Kadi Shalumu mwanā Kole mwanā Ebiasafa mwanā Kola, ne banababo ba njibo ya shandi, bene Kola, badi batala twaji ku mingilo, batulama ba pa kibelo ba ku pema, ne bashabo badi batala nkambi ya Yehova bu batulama ba pa kitwelelo. 20 Finease+ mwanā Eleaza+ ye wadi dibajinji mutangidiji wabo; Yehova wadi nandi. 21 Zekadia+ mwanā Meshelemia ye wadi kalama wa ku kibelo kya pema wa kubungakena’ko.

22 Boba bonso batongelwe bu batulama ba ku kibelo pa nkala ya pa bibelo, buvule bwabo i 212. Badi mu bīkalo byabo mobalembelwe mungya misuku yabo.+ Davida ne Samwele mumoni+ bebatūdile bano’ba pa mingilo yabo ya bantu bakulupilwa. 23 Abo ne babo bana badi batala mingilo ya kulama bibelo bya njibo ya Yehova,+ ke njibo ya pema kadi. 24 Batulama ba ku kibelo badi ku mitamba iná—kutunduka, kushika, kungala, ne kunshi.+ 25 Kitatyi ne kitatyi, banababo badi batamba ku bīkalo byabo bāya kwingila nabo mafuku asamba-abidi. 26 Kwadi bakata* baná ba batulama ba ku kibelo badi batūdilwe pa mingilo ya bantu bakulupilwa. Badi bene Levi, kadi badi na lupusa lwa kutala byumba* ne bibīko bya byabulēme bya njibo ya Leza wa bine.+ 27 Bufuku bonso badi pa bifuko byabo byadi bijokolokele njibo ya Leza wa bine, mwanda badi batala mingilo ya batulama kadi ye abo badi na lufungulo, badi bashitula ku njibo lubanga ne lubanga.

28 Bamo mu abo badi na lupusa lwa kutala bipungwa+ bya mingilo; badi bebibala pa kwibitweja, ne kwibibala pa kwibitambija. 29 Bamo mu abo batongelwe kutala bipungwa, bipungwa byonso bijila,+ ne bukula bupēla,+ vinyu,+ māni,+ ensense itōka,+ ne māni a balasome.+ 30 Bana bamo ba babitobo badi basobakanya māni a kwishinga a māni a balasome. 31 Kadi Matitia wa ku bene Levi, mwana umbedi wa Shalumu mwine Kola, wādi pa mwingilo wa bantu bakulupilwa wa bintu bisōkwa mu mpanu.+ 32 Banababo bamo bene Kohata badi na lupusa lwa kutala mikate mitentakanye,*+ kwiiteakanya dya sabato ne dya sabato.+

33 Bano badi batuimba, mitwe ya mobo a bashandya bene Levi mu byumba,* boba batalwilwe twaji tukwabo; mwanda dyuba ne bufuku badi na kiselwa kya kutanwa ku mingilo. 34 Bano’ba yo mitwe ya mobo a bashandya bene Levi mungya ntundu yabo, ke mitwe kadi. Bano badi bashikata mu Yelusalema.

35 Yeiele shandya Ngibeone washikete mu Ngibeone.+ Dijina dya wandi mukaji i Maka. 36 Kadi wandi mwana umbedi i Abedone, pamulonda Zula, Kishi, Bāla, Nele, Nadaba, 37 Ngedole, Ahiyo, Zekadia, ne Mikelote. 38 Mikelote wabutula Shimeame. Abo bonso bashikete kubwipi na banababo mu Yelusalema, pamo ne banababo bakwabo. 39 Nele+ wabutula Kishi; Kishi wabutula Solo;+ Solo nandi wabutula Yonafane,+ Maleki-Shua,+ Abinadaba,+ ne Eshebala. 40 Kadi mwanā Yonafane i Medibu-Bāla.+ Medibu-Bāla nandi wabutula Mika.+ 41 Kadi bana ba Mika i Pitoni, Meleka, Tālea, ne Ahaza. 42 Ahaza wabutula Yalā; Yalā nandi wabutula Alemete, Azamaveta, ne Zimidi. Zimidi nandi wabutula Moza. 43 Moza wabutula Binea ne Lefaia wandi mwana, Eleasa wandi mwana, Azela wandi mwana. 44 Azela wadi na bana basamba, majina abo i Azadikama, Bokelu, Ishemele, Sheadia, Obadia, ne Hanana. Bano i bana ba Azela.