Nehemia

12 Bano’ba bo babitobo ne bene Levi bakandile na Zelububele+ mwanā Shityile,+ ne Yeshua:+ Selaya, Yelemia, Ezela, 2 Amadia, Maluke, Hatushe, 3 Shekania, Lehumi, Melemote, 4 Ido, Nginetoi, Abidya, 5 Miyamini, Madaya, Bilaka, 6 Shemaia, Yoyadibi, Yedaia, 7 Sālu, Amoke, Hilekia, ne Yedaia. Ino’i yo yadi mitwe ya babitobo ne banababo mu mafuku a Yeshua.

8 Bene Levi i ba Yeshua, Binui, Kademiele,+ Shelebia, Yuda, ne Matania,+ wadi wimbija ñimbo ya kufwija’ko pamo ne banababo. 9 Kadi Bakebukia ne Uni banababo baimana betadidile nabo mu mingilo ya kulama.* 10 Yeshua wabutula Yoyakimi, Yoyakimi nandi wabutula Ediashibi, Ediashibi+ nandi Yoiada.+ 11 Yoiada nandi wabutula Yonafane, Yonafane nandi wabutula Yadua.

12 Bano’ba bo badi babitobo, mitwe ya mobo a bashabo mu mafuku a Yoyakimi: kwa Selaya,+ Melaia; kwa Yelemia, Hanania; 13 kwa Ezela,+ Meshulama; kwa Amadia, Yehohanana; 14 kwa Maluki, Yonafane; kwa Shebania, Yosefa; 15 kwa Hadime,+ Adena; kwa Melayote, Helekai; 16 kwa Ido, Zekadia; kwa Nginetone, Meshulama; 17 kwa Abidya,+ Zikidi; kwa Miniamine, . . .  ;* kwa Moadia, Pileta; 18 kwa Bilaka,+ Shamua; kwa Shemaia, Yehonafane; 19 kwa Yoyadibi, Matenai; kwa Yedaia,+ Uzi; 20 kwa Sālai, Kalai; kwa Amoke, Ebelu; 21 kwa Hilekia, Hashabia; kwa Yedaia, Netanele.

22 Mitwe ya mobo a bashandya bene Levi mu mafuku a Ediashibi, Yoiada, Yohanana, ne Yadua+ yalembelwe, monka mwalembelwe babitobo, kufika ne mu bulopwe bwa Dadiusa mwine Peleshia.

23 Bene Levi badi bu mitwe ya mobo a bashabo balembelwe mu mukanda wa mānga ya mu kine kitatyi’kya, kufika ne mu mafuku a Yohanana mwanā Ediashibi. 24 Mitwe ya bene Levi i ba Hashabia, Shelebia, ne Yeshua+ mwanā Kademiele,+ kadi banababo baimana betadidile nabo mwanda wa kutendela ne kufwija’ko mwendele bulombodi bwa Davida+ muntu wa Leza wa bine, kisumpi kya balami na kisumpi kya balami. 25 Matania,+ Bakebukia, Obadia, Meshulama, Talamone, ne Akuba,+ badi balama bu batulama ba ku kibelo,+ balama byumba bya bibīko dya ku bibelo. 26 Bano’ba badi bengila mu mafuku a Yoyakimi mwanā Yeshua+ mwanā Yozadaki ne mu mafuku a Nehemia mbikavu ne Ezela+ kitobo kadi mutentudi.*

27 Pa kufikidijibwa kwa mumbu ya Yelusalema, bakimba bene Levi, bebaselela ku Yelusalema tamba ku bifuko byonso byobadi bashikete’ko mwanda wa kusoba na nsangaji masobo a kufikidija, na ñimbo ya kufwija’ko,+ na membo, na byombanwa bya myonji, ne na nsense. 28 Kadi bana ba batuimba* bebungila pamo, batamba ku kipindi kya ntanda,* kufulakufula konso kwa Yelusalema, ku bīkalo bya bene Netofa,+ 29 ku Bete-Ngilengale,+ ne ku matanda a Ngeba+ ne Azamaveta,+ mwanda batuimba baubakile bīkalo byabo kufulakufula konso kwa Yelusalema. 30 Babitobo ne bene Levi besubula, basubula ne bantu,+ ne bibelo,+ ne lubumbu.+

31 Penepo nasela bamfumu ba Yuda nakanda nabo pangala pa lubumbu. Ne kadi, natūla bibumbo bibidi bikatampe bya batuimba ba kwimba ñimbo ya kufwija’ko ne bisumpi bya kwibalonda, kibumbo kimo kyadi kyenda ku lundyo pa lubumbu dya ku Kibelo kya Byala bya Buto.+ 32 Hoshaia ne kipindi kya bamfumu ba Yuda badi bebalonda kunyuma, 33 pamo ne Azadia, Ezela, Meshulama, 34 Yuda, Benjemani, Shemaia, ne Yelemia. 35 Badi ne na bana bamo ba babitobo badi na bimpungidi:+ Zekadia mwanā Yonafane mwanā Shemaia mwanā Matania mwanā Mikaya mwanā Zakula mwanā Asafa,+ 36 ne banababo, ba Shemaia, Azalela, Milalai, Ngilalai, Mai, Netanele, Yuda, ne Hanani, badi na byombanwa bya ñimbo bya Davida+ muntu wa Leza wa bine; Ezela+ mutentudi* wibatangidile kumeso. 37 Ku Kibelo kya Nsulo,+ baenda bolokele bakanda pa Lukala+ lwa Kibundi kya Davida+ dya pa mukandijo wa lubumbu pangala pa Njibo ya Davida, baenda kufika ne ku Kibelo kya Mema+ kutunduka.

38 Kibumbo kikwabo kya batuimba ba kwimba ñimbo ya kufwija’ko kyadi kyenda bukila bukwabo,* ami nami nekilonda na kipindi kya bantu, pa lubumbu pangala pa Kiteba kya Mafūlu,+ baenda kufika ne ku Lubumbu Lukatampe,+ 39 bakanda pangala pa Kibelo kya Efelaimi+ kadi baenda kufika ne ku Kibelo kya Kibundi kya Kala+ ne ku Kibelo kya Mwita wa Lui,+ ku Kiteba kya Hananela,+ ku Kiteba kya Mea, ne ku Kibelo kya Mikōko;+ baimana pa Kibelo kya Balami.

40 Ku mfulo bibumbo bibidi bya batuimba ba kwimba ñimbo ya kufwija’ko byaimana ku meso a njibo ya Leza wa bine; ne ami ne baledi bampingakani bonadi nabo, 41 ne babitobo, ba Ediakimi, Maaseya, Miniamine, Mikaya, Edioenai, Zekadia, ne Hanania, na bimpungidi, 42 ne Maaseya, Shemaia, Eleaza, Uzi, Yehohanana, Malekiya, Elama, ne Ezelu. Kadi batuimba baimba na diwi ditunduke, Izelahia papo wibendeja.

43 Mu dine difuku’dya balambula bitapwa bingi, basangala ne kusangala,+ mwanda Leza wa bine webasangeje nsangaji mikatampe. Bana-bakaji ne bana nabo basangala,+ penepo nsangaji ya Yelusalema yaivwanwa kulampe.+

44 Mu dine difuku’dya kwatongwa bana-balume ba kutala mobo a bibīko+ bya byabuntu,+ ne byangulwa bibajinji,+ ne bya dikumi.*+ Badi ba kukongakenya’mo bipindi bya ku madimi a bibundi bya babitobo ne bene Levi bilombelwe na Bijila,+ ke-pantu kwadi nsangaji mu Yuda pa mwanda wa babitobo ne bene Levi+ badi bengila. 45 Kadi baanza kutala mingilo ya Leza wabo ne kulama musoñanya wa kusubula, monka mwadi mulongela batuimba ne batulama ba ku kibelo, mungya bulombodi bwa Davida ne wandi mwana Solomone. 46 Mwanda tamba kala mu mafuku a ba Davida ne Asafa, kwadi bakulu* ba batuimba ne ba ñimbo ya kutendela ne ya kufwija’ko Leza.+ 47 Kadi mu mafuku a Zelububele+ ne mu mafuku a Nehemia, Isalela yense waletele bipindi bya batuimba+ ne batulama ba ku kibelo,+ mungya byadi bisakibwa difuku ne difuku. Batūla pafula ne kipindi kya bene Levi,+ bene Levi nabo batūla pafula kipindi kya lutundu lwa Alone.