Samwele Umbajinji

18 Davida pa kupwa’tu kwisamba na Solo, Yonafane+ ne Davida bekuta mu bumo ke balunda bininge,* kadi Yonafane washilula kumusanswa mwaesanshilwe aye mwine.*+ 2 Tamba dyadyo difuku, Solo walama Davida kwandi, kamulekelepo ajokele ku njibo ya shandi.+ 3 Kadi Yonafane ne Davida basamba kipwano,+ mwanda wamusenswe mwaesanshilwe aye mwine.*+ 4 Yonafane wayata kotyi wampikwa maboko waadi uvwele wapa’ye Davida, pamo ne bya kwilumbila byandi, ne kipete kyandi, ne buta bwandi bwa miketo, ne mukaba wandi. 5 Davida washilula kutamba kadi wadi unekenya*+ konso kwadi kumutuma Solo. Penepo Solo wamutūla ke wa kutala bana-balume ba bulwi,+ ne kino kyasangaja bantu bonso ne bengidi ba Solo.

6 Davida ne bantu bakwabo pobadi bajoka kobadi bakepaile bene Fidishitia, bana-bakaji badi batamba mu bibundi byonso bya Isalela bemba lwimbo+ ne kuja maja pa kusambakana Mulopwe Solo, na mañoma,+ na nsangaji, ne na byombanwa bya myonji isatu. 7 Bana-bakaji badi basepelela’ba badi bemba’mba:

8 Solo waloba bininge,+ kadi luno lwimbo lwamufītyija mutyima, mwanda wanenene amba: “Abatelela Davida makumi a tununu, ino ami abantelela tununu. Kintu kimo kete kyamushadila i kumupa bulopwe!”+ 9 Tamba dine difuku’dya, Solo wadi katale nyeke Davida na diso dibi.

10 Difuku dilonda’ko mushipiditu mubi utamba kudi Leza wakwata Solo,+ washilula kulonga bintu muswelo ungiungi* munda mwa njibo, aye Davida papo omba ñimbo na lunsense+ mwaadi ombelanga mafuku onso. Ino Solo wadi na mukobe mu kuboko kwandi,+ 11 penepo waela mukobe,+ kanena mu mutyima wandi amba: ‘Nsa kulamakenya Davida ku lubumbu!’ Ino Davida wamunyema misunsa ibidi. 12 Penepo Solo wakwatwa Davida moyo mwanda Yehova wadi nandi+ ino watalukile kudi Solo.+ 13 Ebiya Solo wamutalula ku meso andi, wamutūla ke mukata wa kanunu, kadi Davida wadi utangidila kibumbo kya divita mu bulwi.*+ 14 Davida wadi unekenya’nka kunekenya*+ mu byonso byaadi ulonga, kadi Yehova wadi nandi.+ 15 Solo pa kumona’mba wadi unekenya bininge, washilula kumutyina. 16 Ino Isalela yense ne Yuda badi basenswe Davida, mwanda wadi wibatangidila mu malwi abo.

17 Kupwa Solo wanena Davida amba: “Melabe+ wami mwana mwana-mukaji mukulu au keye.+ Nsa kukupa’ye ke obe mukaji. Inoko, ufwaninwe kwikala nyeke na bukankamane pa mwanda wami ne kulwa mavita a Yehova.”+ Mwanda Solo wadi unena mu mutyima wandi amba: ‘Kuboko kwami kekwakimutenga. Ino kuboko kwa bene Fidishitia kumwipaye.’+ 18 Penepo Davida wanena Solo amba: “Le ami ne ani ne babutule bami bene, kisaka kya tata mu Isalela i bāni, pa kusaka’mba ngikale muko wa mulopwe?”+ 19 Inoko, kitatyi pa kubwana kya Solo kupa Davida wandi mwana Melabe, wadi kala ke mupānwe kudi Adadiele+ mwine Mehola bu mukaji.

20 Ino Mikale+ mwanā Solo mwana-mukaji wadi usenswe Davida, penepo basapwila’byo Solo, nandi byamusangaja. 21 Ebiya Solo wanena’mba: “Nsa kumupa’ye ekale bu dikinga kwadi, mwanda wa kuboko kw a bene Fidishitia kwiye pādi.”+ Kupwa Solo wanena Davida musunsa wa bubidi amba: “Usa kusamba nami kipwano kya busongi* dyalelo.” 22 Kupwa, Solo wasoñanya bengidi bandi amba: “Sapwilai Davida kufula mumulombole amba, ‘Tala! Mulopwe wakusangela, kadi bengidi bandi bonso abakusanswa bininge. Shi ke pano samba kipwano kya busongi na mulopwe.’” 23 Bengidi ba Solo pa kusapwila Davida bino binenwa, Davida wanena’mba: “Le banwe mumwene amba i mwanda mutyetye kusamba kipwano kya busongi na mulopwe ami muntu mulanda kadi mulēmekibwe bityetye?”+ 24 Kupwa bengidi ba Solo bamusapwila’mba: “Bino byo binenwa byanena Davida.”

25 Ponkapo Solo wanena’mba: “Kalombolei Davida namino amba, ‘Mulopwe kasakilepo buko+ nansha bumo poso’nka bikoba 100 bya ku ngitu ya bwana-bulume+ ya bene Fidishitia, mwanda wa kulubwila balwana na mulopwe kinongo.’” Ke-pantu Solo wadi ukuta nkuku ya kuponejeja Davida mu kuboko kwa bene Fidishitia. 26 Ebiya bengidi bandi basapwila Davida bino binenwa, Davida nandi wasangela kusamba kipwano kya busongi na mulopwe.+ Akyo kitatyi kine kekyabwene, 27 Davida waenda na bandi bantu waipaya bana-balume 200 bene Fidishitia, penepo Davida waleta kibalwa kibwane kya bikoba bya ngitu ya bwana-bulume mwanda wa kusamba kipwano kya busongi na mulopwe. Penepo Solo wamupa wandi mwana Mikale ke wandi mukaji.+ 28 Solo wajingulula’mba Yehova udi na Davida+ ne amba wandi mwana Mikale wadi umusenswe.+ 29 Kino kyalengeja Solo atyine Davida kutabuka, kadi Solo waikala walwana na Davida mu mafuku a būmi amushadile’ko.+

30 Bamfumu ba bene Fidishitia badi batamba kulwa, ino ponso pobadi batamba, Davida wadi unekenya bininge* kupita bengidi bonso ba Solo;+ kadi dijina dyandi dyalēmekwa bininge.+